RFL
Kigali

Kid Gaju yatumiwe gutaramira abazasohokera Bauhaus Club Nyamirambo kuri uyu wa Gatanu

Yanditswe na: Janvier Iyamuremye
Taliki:21/05/2019 21:08
0


Umuhanzi Kid Gaju uherutse gushyira hanze amashusho y’indirimbo nshya yise ‘Nzirikana’, yatumiwe gutaramira abazasohokera mu kabari Bauhaus Club Nyamirambo mu Mujyi wa Kigali, kuri uyu wa Gatanu tariki 24 Gicurasi 2019.



Kid Gaju yamaze igihe kinini akorera umuziki mu gihugu cya Uganda. Yafashijwe bya hafi n’itsinda rya Goodlyfe ndetse yakoze indirimbo zakunzwe nka ‘Tonado’, ‘Gahunda’, ‘Private Party’ n’izindi zamumenyekanishije birushijeho.

Uyu muhanzi uherutse gushyira hanze indirimbo ‘Kami’ yakoranye na The Ben, niwe utahiwe gususurutsa abazasohokera Bauhaus Club Nyamirambo.

Iki gitaramo kizaba ku wa Gatanu tariki 24 Gicurasi 2019, gutangira ni saa moya z’umugoroba. Dj Theo azifashishwa mu kuvangavanga umuziki.

Kid Gaju usanzwe ukora umuziki wiganjemo Afrobeat na Dancehall agiye gutaramira Bauhaus Club Nyamirambo abisikana n’umuraperi Ama GThe Black wanyuze abari bahasokeye mu cyumweru gishize.

Bauhaus Club Nyamirambo iri mu tubari dukunze gusohokerwamo na benshi mu bahanzi nyarwanda n’abafite abafite amazina akomeye mu ruganda rw’imyidagaduro. 

Bauhaus Bar ifite akabyiniro gakomeye kafunguwe ku mugaragaro na Bruce Melodie ku munsi w’abakundana (St Valentin).  

Bafite inzoga z’amako yose, ibyo kurya bitandukanye n’ibindi byinshi.  Iherereye i Nyamirambo ahazwi nka Cosmos iteganye na Station Merez. Ku bindi bisobanuro wabahamagara kuri 0788816126.

Kid Gaju kuri uyu wa Gatanu arataramira Bauhaus Club Nyamirambo

KANDA HANO UREBE AMASHUSHO Y'INDIRIMBO 'NZIRIKANA' YA KID GAJU






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND