RFL
Kigali

BOX OFFICE: John Wick: Chapter 3- Parabellum niyo filime yacurujwe kurusha izindi muri iyi weekend

Yanditswe na: UDAHOGORA Vanessa Peace
Taliki:20/05/2019 5:59
0


Iki ni igice cya gatatu cya filime y’uruhererekane igenda isohoka mu bice yitwa John Wick. Igice cya mbere cyasohotse muri 2014, icya kabiri gisohoka muri 2017. Igice cya gatatu cyasohotse kuri uyu wa gatanu, kikaba gikunzwe cyane muri Amerika, dore ko ari ho yacurujwe gusa kugeza ubu.



1. John Wick: Chapter 3- Parabellum

Iyi filime irimo umukinnyi Keanu Reeeves ari nawe mukinnyi w’ibanza uba akina ari John Wick. Muri iyi weekend iyi filime yinjije $57,025,000, icuruzwa na Lionsgate/Summit, ayo byatwaye ngo ikorwe ntiyigeze atangazwa. Iyi filime iri mu bwoko bwa action, ikaba itaratangira gucuruzwa mu bindi bice by’isi, yasohotse tariki 17/05/2019.

2. Avengers: Endgame

boxoffice

Filime Avengers: Endgame ya Buena Vista kuva yasohoka niyo yari iyoboye urutonde rwa filime ziri kugurishwa cyane ku isi, yaguzwe cyane mu mahanga kurusha iwayo muri Amerika. Iyi filime muri iyi weekend yinjije $29,411,000 muri Amerika gusa, yasohotse kuwa 5 tariki 26/04/2019.

Yaguzwe cyane mu mahanga kuko kugeza ubu wongeyeho amafaranga yacurujwe mu bindi byice byo ku isi, usanga iyi filime yarinjije $2,564,205,870. Niyo filime iheruka ya MCU (Marvel Cinematic Universe), uruhererekane rwa za filime zo mu bwoko bwa superhero zikomoka muri Marvel Comics. Izi filime zatangiye gukorwa muri 2007, kugeza ubu zimaze kuba 22. Avengers: Endgame kuyikora byatwaye miliyoni 356 z’amadolari, irimo abakinnyi bakomeye bagiye bakina mu zindi filime za MCU nka Robert Downey, Jr., Chris Hemsworth, Mark Ruffalo, Chris Evans, Scarlett Johansson, Jeremy Renner, Karen Gillan, Paul Rudd, Josh Brolin, Brie Larson, Bradley Cooper (Ijwi gusa), Elizabeth Olsen, Evangeline Lilly, Letitia Wright, Chadwick Boseman, Gwyneth Paltrow, Winston Duke na Tessa Thompson. Ubushize niyo yari ku mwanya wa mbere.

3. Pokemon Detective Pikachu

b

Iyi filime yasohotse tariki 10/05/2019, icuruzwa na Warner Bros., muri iyi weekend yinjije $24,815,000 muri Amerika. Gukora iyi filime byatwaye miliyoni 150 z’amadolari, kugeza ubu ku isi hose imaze kwinjiza $206,401,846. Ubushize yari ku mwanya wa 2.

4. A Dog's Journey

boxoffice

Iri mu bwoko bwa Drama, yasohotse kuri uyu wa 5 tariki 17/05/2019, icuruzwa na Universal ikaba muri iyi weekend yarinjije $8,000,000 muri Amerika gusa ari nayo yonyine yacuruje. Ayo byatwaye ngo ikorwe nyitigeze atangazwa.

5. The Hustle

boxoffice

Yasohotse tariki 10/05/2019, muri iyi weekend yinjije $6,080,788 muri Amerika gusa. Icuruzwa na United Artists Releasing, ikaba mu bwoko bwa comedy gusa amafaranga yakoreshejwe mu kuyitunganya ntiyigeze atangazwa. Ku isi hose iyi filime yinjije $36,945,512, irimo abakinnyi nka Rebel Wilson na Anne Hathaway. Ubushize yari ku mwanya wa 3.

6. The Intruder (2019)

boxoffice

Ni filime iri mu bwoko bwa Thriller yasohotse tariki 03/05/2019 ikaba icuruzwa na Sony/Screen Gems. Muri iyi weekend yinjije $4,025,000, kuva yasohoka kugeza ubu imaze kwinjiza $28,624,305. Kuyikora byatwaye miliyoni 8 z’amadolari, ubushize yari iri ku mwanya wa 4.

7. Long Shot

boxoffice

Nayo yasohotse tariki 03/05/2019, muri iyi weekend yinjije $3,400,000, ku isi hose imaze kwinjiza $32,775,840. Ni filime isekeje icuruzwa na Lionsgate/Summit, ubushize yari ku mwanya wa 5. Ayo byatwaye ngo itunganywe ntabwo azwi.

8. The Sun Is Also a Star

boxoffice

Iyi ni filime yo mu bwoko bwa Drama icuruzwa na Warner Bros, yasohotse kuri uyu wa 5 tariki 17/05/2019, kugeza ubu yacurujwe muri Amerika gusa ikaba yarinjije $2,600,000. Amafaranga byatwaye ngo itunganywe ntabwo yigeze atangazwa.

9. Poms

boxoffice

Ni filime y’urwenya ya STX Entertainment, yasohotse tariki 10/05/2019. Muri iyi weekend yinjije $2,090,000, iri gucuruzwa muri Amerika gusa. Ayo byatwaye ngo ikorwe ntabwo yigeze atangazwa, kuva yasohoka imaze kwinjiza $10,010,192. Ubushize yari ku mwanya wa 6.

10. Uglydolls

boxoffice

Iri mu bwoko bwa Animation, icuruzwa na STX Entertainment ikaba yarasohotse tariki 03/05/2019. Muri iyi weekend yinjije $1,600,000, kuyikora byatwaye  miliyoni 45 z’amadolari, kuva yasohoka kugeza ubu imaze kwinjiza $18,863,668. Ubushize yari ku mwanya wa 7.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND