RFL
Kigali

Nyuma y’imyaka 7 UEFA Champions League igiye kugaruka mu Bwongereza nyuma y'aho Tottenham ikuyemo Ajax

Yanditswe na: Editor
Taliki:9/05/2019 5:32
0


Nyuma y'uko amakipe y’Abongereza agiye guhurira ku mukino wa nyuma wa UEFA Champions League aho Liverpool yasezereye FC Barcelona iyitsinze 4-3, byongeye gukomera ubwo Tottenham yasezereraga Ajax bigoranye aho zaganyije 3-3 ariko Ajax igakurwamo no gutsindwa ibitego byinshi mu rugo.



Igice cya mbere cyarangiye ikipe ya Ajax iri imbere n’ibitego bibiri, aho ku munota wa 5 gusa iyi kipe ya Ajax, yatsinze igitego cyatsinzwe na kapiteni wayo De Light Matthij, ku munota wa 35 Hakim Ziyech atsindira Ajax igitego cya kabiri, igice cya mbere kirangira Ajax iri imbere n'ibitego bibiri.


Igice cya kabiri cyatangiye Tottenham isatira, aho ku munota wa 55 Lucas Moura yatsinze igitego cya mbere, nyuma y’umupira mwiza yari ahawe na Deli Alli, nyuma y’iminota 4 Lucas Moura yatsinze igitego cya kabili ku burangare bw’umuzamu wafashe umupira akawurekura.


Ku munota wa 90, Del Alli yongeye guhereza Lucas Moura umupira, wahise atsinda igitego cya gatatu, umukino urangira Tottenham itsinze 3-2.

Mu mikino yose zanganyaga ibitego 3-3, ariko Ajax ikurwamo no gutsindwa ibitego byinshi ku kibuga cyayo. Umukino wa nyuma wa UEFA Champion League uzaba taliki ya 1 Kamena 2019, aho uzabera ku kibuga cya Atletico Madrid (Wanda Metropolitano) ukazahuza aya makipe abiri yo mu Bwongereza ariyo Tottenham na Liverpool

Igikombe cya UEFA Champions League cyaherukaga mu Bwongereza ubwo Chelsea yagitwaraga itsinze FC Bayern Munich ku mukino wa nyuma, aho zaje kunganya 1-1, bakajya muri Penaliti bikarangira Chelsea itsinze Penaliti 4-3. Amakipe yo mu Bwongereza aheruka kuri Final, yose ava mu gihugu kimwe muri shampiyona y’igihugu cy’u Bwongereza (Premier League) muri 2008, Chelsea ihura na Manchester United umukino wari wabereye i Mosco mu gihugu cy’u Burusiya, aho Manchester United yatwaye igikombe itsinze Chelsea Penaliti 6-5, nyuma y'uko iminota 120 yari yarangiye ari igitego 1-1.

Paul Mugabe/ Inyarwanda.com






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND