MTN
Kigali

Guca kuri APR FC ntabwo bishoboka-HARINGINGO

Yanditswe na: Mihigo Saddam
Taliki:30/04/2019 11:14
0

Haringingo Francis Christian umutoza mukuru w’ikipe ya Mukura Victory Sport avuga ko arebye uko urutonde rwa shampiyona ruhagaze akanareba ikinyuranyo kiri hagati ye na APR FC nbidashoboka ko iyi kipe bayicaho ngo bayitware igikombe.



Nyuma yo gutsindwa na Police FC ibitego 2-1 mu mukino w’umunsi wa 24 wa shampiyona 2018-2019, Mukura VS yahise irushwa na APR FC amanota icyenda  mu gihe irushanwa na Rayon Sports amanota atandatu mu mikino 24.

Nyuma yo gutakaza aya manota y’umunsi wa 24 wa shampiyona, Haringingo yabwiye abanyamakuru ko kuba Mukura VS yatwara igikombe cya shampiyona iciye kuri APR FC bidashoboka mu mikino isigaye.

“Ndibaza ko urebye amanota icyenda APR FC iturusha nibaza ko kuyakuramo mu mikino itandatu isigaye ari ibintu bigoye cyane. Kuko kwibwira ko APR FC yatakaza imikino ine , ikipe nka APR FC, ikipe nkuru, nibaza ko bidashoboka”. Haringingo


Haringingo Francis Christian ngo arabara agasanga MVS itaca kuri APR FC

Haringingo ubona ko gutwara igikombe bitagishobotse kuri Mukura VS avuga ko ubu igisigaye ari ukurinda umwanya wa gatatu bariho ahasigaye bagatangira kwitegura kuzahatana mu gikombe cy’Amahoro cya 2019 aho bazaba bashaka kwisubiza icyo batwaye mu 2018 batsinze Rayon Sports ku mukino wa nyuma.

“Ubu rero ni ukugerageza tugahatana tukareba ko twarinda umwanya wacu turiho nyuma tugategura igikombe cy’Amahoro 2019”. Haringingo


Mukura VS ifite umukino n'Amagaju FC i Nyamagabe

Mukura Victory Sport iri ku mwanya wa gatatu n’amanota 48 mu mikino 24 ya shampiyona 2018-2019 bamaze gukina. Ku munsi wa 25 wa shampiyona, Mukura VS iraba icakirana n’Amagaju FC kuri uyu wa Gatatu tariki ya 1 Gicurasi 2019 I Nyamagabe.

Imikino y'umunsi wa 25 wa shampiyona:

Kuwa Kabiri tariki 30 Mata 2019

-Gicumbi FC vs AS Kigali FC (Gicumbi, 15h30)

-SC Kiyovu vs APR FC (Stade de Kigali, 17h30)

Kuwa Gatatu tariki ya 1 Gicurasi 2019

 -Police FC vs Sunrise FC (Stade de Kigali, 15h30)

-Amagaju FC vs Mukura VS (Nyagisenyi, 15h30)

-Kirehe FC vs Marines FC (Kirehe, 15h30)

-Bugesera FC vs AS Muhanga (Stade Mumena, 15h30)

Kuwa Kane tariki 2 Mata 2019

-Musanze FC vs Etincelles FC (Stade Ubworoherane, 15h30

-Rayon Sports FC vs Espoir FC (Stade de Kigali, 15h30)


Police FC niyo kipe iba muri Kigali yatsinze Mukura VS imikino ibiri ya shampiyona (Home and Away 2018-2019)    







Inyarwanda Art studio
Inyarwanda BACKGROUND