RFL
Kigali

Inyungu ya Bralirwa Plc yageze kuri miliyari 7.2 muri 2018

Yanditswe na: Janvier Iyamuremye
Taliki:26/04/2019 19:39
1


Kuri uyu wa Gatanu tariki 26 Mata 2019 Uruganda rwa mbere rwenga inzoga n’ibinyobwa bidasembuye mu Rwanda (Bralirwa), rwatangaje ko inyungu rwabonye mu 2018 rutarishyura imisoro ingana na miliyari 10.346% ivuye kuri miliyari 7.709 yabonetse muri 2017.



Nyuma yo kwishyura umusoro Bralirwa Plc yasigaranye miliyari 7, 242 Frw muri 2018, avuye kuri miliyari 5,077 yari yabonetse muri 2017. Urwunguko rugera kuri 42,6% , ni mu gihe muri 2017 inyungu nyuma yo kwishyura umusoro yari miliyari 5.0 Frw. 

Umuyobozi Mukuru w’Uruganda rwa Blarirwa, Merid Demissie, yavuze ko ‘bitwaye neza’ ugereranyije n’umwaka wa 2017 n’ubwo hari inzitizi nyinshi. Yavuze ko mu rwego rwo kwagura biyemeje gukorera mu Rwanda ikinyobwa cya Heineken cyabashije mu kwaguka ku ruganda no kwitwara neza ku isoko.

Yavuze ko kuba Heineken yarakorewe mu Rwanda n’igiciro cyayo bakimanuye ndetse n’icyanga ari cya kindi.  Yongeraho ko Bralirwa yashoye agera kuri Miliyari 15.2 kugira ngo ikorerwe mu Rwanda. Yanavuze ko batekereza gukora ibindi binyobwa bishya bakabishyira ku isoko ariko ko bikiri ‘ibanga’. 

Umuyobozi Mukuru wa Bralirwa, Merid Demissie.

Ingano y’ibyo Bralirwa yacuruje ku isoko yarazamutse igera kuri 14.6%.  Mu 2018 ibikorwa bya Bralirwa byazamutse kuri 25.4% bingana n'amafaranga Miliyari 18.4 .Ni mu gihe mu 2017 byari Miliyari 14.7.

Urwunguko rwo mu 2018 ni 42,6% ingana na miliyari 7.2; mu 2017 byari miliyari 5.1. Ibi byaturutse ku nyungu yabonetse mu migabane ingana na miliyari 7.04 ivuye kuri miliyari 4.94 yabonetse mu 2017. 

Bralirwa ifite ibinyobwa by’amako atandukanye nka Mutzig, Primus, Turbo King, Legend, Amstel na Heineken ikorerwa mu rwengero rwa Gisenyi mu Ntara y’Uburengerazuba. Primus iri nzoga zigurishwa cyane, iri ku isoko kuva mu 1959. Kuva 1974, Bralirwa yaguye isoko igurisha ibinyobwa bidasindisha yisunze amasezerano na kompanyi ya Coca- Cola; yashyize ku isoko Fanta, Sprite, Krest, Tonic, Stoney, Vital’O n’ibindi.  

Bralirwa yashinzwe mu 1957 itangirira ku Gisenyi ahari uruganda rukuru. Kuva mu 1971, Bralirwa yabaye igice cya Heineken N.V aho ifitemo imigabane ingana na 75%, Bralirwa yasigaranye imigabane 25% iri ku isoko ryo mu Rwanda. Ifasha kenshi mu bikorwa by’iterambere rusange, ubuzima, kwita ku bidukikije, Uburezi n'ibindi.

Bamwe mu bayobozi mu ruganda rwa Bralirwa.


 Bralirwa ivuga ko bagiye gushyira ku isoko ibindi binyobwa.


                                                                                                                           
AMAFOTO:Iradukunda Desanjo-INYARWANDA.COM                                                      





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Nsabimana,fabien4 years ago
    Akaza,amarange





Inyarwanda BACKGROUND