Umwaka ushize nk’iki gihe Avicii yariyahuye: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1926: Ibigo 2 bikora filime aribyo Western Electric na Warner Bros. byashyize ahagaragara uburyo bushya bwa Vitaphone, bwari buzanye ubuhanga bwo kongera amajwi muri filime.

1939: Ubwo hizihizwaga isabukuru y’imyaka 50 y’amavuko ya Adolf Hitler, uyu munsi wabaye itegeko ndetse hashyirwaho ikiruhuko mu gihugu cy’ubudage hose.

1946: Umuryango w’ibuhugu wa SDN warasenyutse burundu, maze wegurira ibikorwa byawo umuryango w’abibumbye wari umaze gushingwa uwusimbuye.

1951: Bwa mbere mu mateka y’ubuganga, Dan Gavriliu yabaze ingingo y’umubiri w’umuntu bwa mbere ayisimbuza indi. Aha akaba yarabaze umuhogo.

Abantu bavutse uyu munsi:

1808: Napoleon III, wabaye perezida wa mbere w’ubufaransa nibwo yavutse, aza gutabaruka mu 1973.

1889: Adolf Hitler, wabaye perezida w’ubudage nibwo yavutse, aza gutabaruka mu 1945.

1949: Jessica Lange, umukinnyikazi wa filime w’umunyamerika nibwo yavutse.

1966: David Filo, umushoramari w’umunyamerika, akab umwe mu bashinze urubuga rwa Yahoo! nibwo yavutse.

1970: Shemar Moore, umukinnyi wa filime w’umunyamerika, yamenyekanye cyane nka Morgan muri filime y’uruhererekane Criminal Minds, nibwo yavutse

1981: Sefyu, umuraperi w’umufaransa ufite inkomoko muri Senegal nibwo yavutse.

1983: Miranda Kerr, umunyamidelikazi w’umunya-Australia nibwo yavutse.

Abantu bitabye Imana uyu munsi:

1994: Abatutsi biciwe hirya no hino mu gihugu, mu gihe Jenoside yakorewe Abatutsi mu Rwanda yari ikomeje.

2008: VL Mike, umuraperi w’umunyamerika wamenyekanye mu itsinda rya Chopper City Boyz yitabye Imana, ku myaka 32 y’amavuko.

2018: Avicii, umuvangamiziki ukomoka muri Suwede yitabye Imana yiyahuye.

Iminsi mikuru yizihizwa uyu munsi:

Uyu munsi ni umunsi w’umuryango w’abibumbye wahariwe ururimi rw’igishinwa (UN Chinese Language Day)

Tariki 20 Mata ni umunsi mpuzamahanga wahariwe ikiyobyabwenge cy’urumogi.