Charlie Chaplin na Akon bavutse kuri iyi tariki: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1919: Mahatma Gandhi yateguye umunsi w’amasengesho no kwiyiriza mu rwego rwo gusengera abahinde bari bamaze kwicwa n’abongereza mu myigaragambyo.

1945: Impunzi zisaga 7000 zaguye mu mpanuka y’ubwato ubwo ubwato bw’ubudage bwari bubatwaye bwagonganaga n’ubwato bwo munsi y’inyanja bw’uburusiya.

1947: Bernard Baruch yahimbye ijambo "Cold War" ryamenyekanye cyane mu gihe cya nyuma y’intambara y’isi ya 2 risobanura intambara y’ubutita nyuma yo kureba intambara y’amagambo yari hagati ya Leta zunze ubumwe za Amerika n’uburusiya, riza gusakara hirya no hino ku isi nk’intambara y’ubutita.

Abantu bavutse uyu munsi:

1889: Charlie Chaplin, umukinnyi, umwanditsi, umuyobozi akaba n’umushoramari wa filime w’umwongereza nibwo yavutse, aza gutabaruka mu 1977.

1927: Papa Benedigito wa 16 yabonye izuba.

1960: Rafael Benítez, wahoze ari umukinnyi w’umupira w’amaguru w’umunya Espagne kuri ubu akaba ari umutoza nibwo yavutse.

1965: Martin Lawrence, umukinnyi, umwanditsi, umuyobozi akaba n’umushoramari w’umunyamerika akaba ariwe wayoboye filime Hunger Games nibwo yavutse.

1965: Michael Wong, umukinnyi akaba n’umuyobozi wa filime ukomoka muri Hong Kong yabonye izuba.

1973: Akon, umuhanzi w’umunyamerika ukomoka muri Senegal yabonye izuba.

1978: Lara Dutta, umunyamideli w’umuhinde akaba ariwe wabaye nyampinga w’isi mu 2000 yabonye izuba.

1985: Taye Taiwo, umukinnyi w’umupira w’amaguru w’umunyanigeriya nibwo yavutse.

Abantu bitabye Imana uyu munsi:

1988: Khalil al-Wazir, umuyobozi w’igisirikare w’umunyapalestine akaba ariwe washinze umutwe wa Fatah yitabye Imana, ku myaka 53 y’amavuko.

1994: Abatutsi biciwe hirya no hino mu Rwanda, mu gihe Jenoside yakorewe abatutsi yari ikomeje.

2010: Daryl Gates, umupolisi w’umunyamerika akaba ariwe watangije gahunda yo kwigisha ububi bw’ibiyobyabwenge izwi ku izina rya D.A.R.E Program yitabye Imana, ku myaka 84 y’amavuko.

2012: George Kunda, wabaye visi perezida wa Zambiya yaratabarutse, ku myaka 56 y’amavuko.

Iminsi mikuru yizihizwa uyu munsi:

Uyu munsi ni umunsi mpuzamahanga w’ijwi (World Voice Day).