RFL
Kigali

BOX OFFICE: Captain Marvel niyo filime iyoboye izindi mu zacurujwe cyane muri weekend

Yanditswe na: UDAHOGORA Vanessa Peace
Taliki:11/03/2019 15:29
0


Captain Marvel kuri ubu niyo filime iri kugurwa cyane ku isi kurusha izindi. Iyi filime iri mu bwoko bwa Action/ Adventure, ikaba irimo abakinnyi nka Brie Larson, Samuel L.Jackson, Ben Mendelsohn n’abandi batandukanye.



1. Captain Marvel

boxoffice

Ni filime yasohotse kuwa 5 tariki 08/03/2019, imaze kwinjiza $153,000,000 muri Amerika gusa. Icuruzwa na Buena Vista, amafaranga byatwaye ngo iyi filime itunganywe ntiyigeze atangazwa, ku isi hose imaze kwinjiza $455,000,000.

2. How to Train Your Dragon: The Hidden World

boxoffice

Iyi filime icuruzwa na Universal, muri iyi weekend yinjije $14,696,000 kandi ubushize niyo yari ku mwanya wa mbere muri filime zikunzwe cyane ku isi. Ni filime yo mu bwoko bwa animation, yasohotse ku itariki 22/02/2019. Kuyikora byatwaye miliyoni 129 z’amadolari, kuva yasohoka kugeza ubu, imaze kwinjiza $435,162,125.

3. Tyler Perry’s A Madea Family Funeral

boxoffice

Ni imwe muri filime z’urwenya zishingiye ku mugore Madea waremwe na Tyler Perry muri filime, icuruzwa na Lionsgate ikaba yarasohotse tariki 01/03/2019. Iyi filime muri iyi weekend yinjije $12,050,000. Ayo byatwaye ngo itunganywe ntabwo yigeze atangazwa, gusa kugeza ubu iyi filime imaze kwinjiza $46,115,383. Ubushize yari ku mwanya wa 2.

4. The LEGO Movie 2: The Second Part

boxoffice

Iyi yo ntabwo yigeze ihindura umwanya kuko n’ubushize niyo yari ku mwanya wa muri filime zicuruzwa cyane kurusha izindi ku isi, yinjije $3,825,000. Yasohotse ku itariki 08/02/2019, ikaba icuruzwa na Warner Bros, iri mu bwoko bwa Animation. Kuva yasohoka kugeza uyu munsi imaze kwinjiza $164,409,961.

5. Alita: Battle Angel

boxoffice

Iyi filime iri mu bwoko bwa Action/Adventure yinjije $3,200,000 muri Amerika gusa, ku isi hose yinjije $382,659,117. Ni filime icuruzwa na Fox, yasohotse ku munsi w’abakundana kuwa 4 tariki 14/02/2019. Gukora iyi filime byatwaye miliyono 170 z’amadolari, ubushize yari ku mwanya wa 3.

6. Green Book

boxoffice

Iyi filime icuruzwa na Universal, yasohotse ku itariki 16/11/2018. Muri iyi weekend yinjije $2,488,000, ikaba mu bwoko bwa comedy/drama. Kuva iyi filime yasohoka kugeza ubu imaze kwinjiza $242,240,871, kuyikora byari byatwaye miliyoni 23 z’amadolari. Ubushize yari ku mwanya wa 6.

7. Isn’t It Romantic

boxoffice

Icuruzwa na Warner Bros. (New Line), iri mu bwoko bwa comedy ikaba yarasohotse tariki 13/02/2019. Amafaranga yakoreshejwe mu kuyitunganya ntiyigeze atangazwa, muri weekend yinjije $2,410,000, naho kuva yasohoka kugeza ubu imaze kwinjiza $44,154,720. Aya mafaranga yose yayacuruje muri Amerika gusa. Ubushize nabwo yari ku mwanya wa 7.

8. Fighting with My Family

boxoffice

Nayo iri mu zasohotse ku munsi w’abakundana ku itariki 14/02/2019, muri iyi weekend yinjije $2,188,868. Icuruzwa na Warner Bros (New Line), kuva yasohoka kugeza ubu imaze kwinjiza $18,656,958, aya mafaranga yose imaze kuyinjiza muri Amerika gusa, dore ko ariho gusa icuruzwa. Ayo byatwaye ngo ikorwe ntiyigeze atangazwa, ubushize yari ku mwanya wa 5.

9. Greta

boxoffice

Iri mu bwoko bwa Drama/thriller, muri iyi weekend yinjije $2,161,000 ikaba icuruzwa na Focus Features. Yasohotse tariki 01/03/2019, ayo byatwaye ngo itunganywe ntiyigeze atangazwa, gusa iyi filime imaze kwinjiza $9,052,735. Ubushize yari ku mwanya wa 8.

10. Apollo 11

boxoffice

Iyi yo ni filime mbarankuru icuruzwa na Neon, muri iyi weekend yinjije $1,301,000. Yasohotse ku itariki 01/03/2019, ayo byatwaye ngo itunganywe ntiyigeze atangazwa, iyi filime nayo icuruzwa muri Amerika gusa, ikaba imaze kwinjiza $3,780,952. Ubushize yari yaje ku mwanya wa 15.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND