MTN
Kigali

Rayon Sports yafashe umwanya wa kabiri nyuma yo kunyagira Mukura Victory Sport-AMAFOTO

Yanditswe na: Mihigo Saddam
Taliki:22/02/2019 18:57
2

Ikipe ya Rayon Sports yafashe umwanya wa kabiri ku rutonde rw’agateganyo rwa shampiyona nyuma yo kunyagira Mukura Victory Sport ibitego 3-0 mu mukino w’umunsi wa 17 wa shampiyona waberaga kuri sitade ya Huye.



Ibitego bya Rayon Sports byatsinzwe na Niyonzima Olivier Sefu ku munota wa 13’, Sarpong Michael yungamo ikindi ku munota wa 28’ mbere y'uko Ulimwengu Jules atsinda icya gatatu ku munota wa 65’.


Ulimwengu Jules yujuje ibitego 11 akaba amaze gutsindira Rayon Sports ibitego bibiri


Rayon Sports bishimira igitego

Ikipe ya Rayon Sports iheruka gutsinda Etincelles FC, bari bakoze impinduka mu bakinnyi babanje mu kibuga kuko Jonathan Raphael Da Silva ntiyari muri 18 mu gihe Iradukunda Eric Radou na Donkor Prosper Kuka baje muri 11 bityo Nyandwi Saddam yabanje hanze naho Mudeyi Suleiman ajya hanze y’abakinnyi 18.


Abakinnyi ba Rayon Sports bishimana n'abafana


Twizerimana Onesme (9) na Manzi Thierry (4) bashaka umupira

Ku ruhande rwa Mukura VS, Kubwimana Cedric Jay Polly wabanje mu kibuga bakina na Sunrise FC, Lomami Frank na Rwabugiri Omar (GK) ntabwo babanje mu kibuga kuko bahaye umwanya Wilondja Ismael (GK), Iddi Saidi Djuma na Cyiza Hussein.


Rayon Sports bajya inama mu kibuga


Mugheni Kakule Fabrice agenzura umupira hagati mu kibuga

Mu buryo bwo gukina, Rayon Sports bari babizi ko umukino wa Mukura VS ushingiye hagati mu kibuga bityo bahindura uburyo bwo gukina hagati kuko bakoresheje abakinnyi batatu bansanzwe bamenyereye gukina hagati kuko Donkor Prosper Kuka yakinaga inyuma ya Mugheni Kakule Fabrice na Niyonzima Olivier Sefu.

Ibi byatumye Rayon Sports ibona uburyo bwo gukina ica hagati mu kibuga hari abakinnyi nka Munyakazi Yussuf Lule, Iddy Said Djuma na Gael Duhayindavyi.


Lomami Frank yishyushya ngo asimbure


Sarpong Michael imbere ya Mutijima Janvier

Abakinnyi barimo; Ulimwengu Jules na Sarpong Michael bagize amahirwe yo kubona imipira yavaga mu mpande cyane iburyo hari Iradukunda Eric Radou na Eric Rutanga Alba.

Mukura VS baje kugorwa no kugabanya umuvuduko wa Rayon Sports kuko bahuzaga neza umukino kurusha uko bakinnye na Etincelles FC.


Munyakazi Yussuf Lule imbere ya Donkor Prosper Kuka


Mutijima Janvier ahanganya na Sarpong Michael

Mu gusimbuza, Robertinho yakuyemo Ulimwengu Jules ashyiramo Mugisha Gilbert mu gihe ku ruhande rwa Mukura VS Iddy Saidi Djuma yasimbuwe na Lomami Frank, Tubane James asimbura Iragire Saidi wagize ikibazo cy’imvune naho Kubwimana Cedric Jay Polly yasimbuye Cyiza Hussein.


Mugheni Kakule Fabrice (Ibumuso) na Gael Duhayindavyi (Iburyo)

Nyuma y’aya manota atatu y’umunsi, Rayon Sports yafashe umwanya wa kabiri n’amanota 37 izigamye ibitego 17 mu gihe Mukura VS ijya ku mwanya wa gatatu n’amanota 37 n’ibitego 12 izigamye.


Nkomezi Alex yari muri sitade kuko atarakira neza



Iradukunda Jean Bertrand (17) agenzura umupira

Indi mikino yabaye kuri uyu wa Gatanu, Police FC yaguye miswi na Espoir FC banganya 0-0, AS Muhanga itsinda Amagaju FC ibitego 5-2 naho Etincelles FC itsinda Bugesera FC ibitego 3-2.

Abakinnyi babanje mu kibuga:

11 ba Mukura VS babanje mu kibuga

Mukura VS XI: Wilondja Ismael (GK,22), Mutijima Janvier 2, Rugirayabo Hassan 5, Iragire Saidi 3, Nshimirimana David 16, Gael Duhayindavyi 8, Munyakazi Yussuf 20, Cyiza Hussein (C,10), Iradukunda Bertrand 17, Twizerimana Onesme 9, Iddy Said Djuma 24.


11 ba Rayon Sports babanje mu kibuga

Rayon Sports XI: Mazimpaka Andre (GK,30), Iradukunda Eric 4, Eric Rutanga Alba 3, Mutsinzi Ange Jimmy 5, Habimana Hussein 20, Manzi Thierry (C,4), Donkor Prosper Kuka 8, Mugheni Kakule Fabrice 27, Niyonzima Olivier Sefu 21, Ulimwengu Jules 7, Sarpong Michael 19.


Abakinnyi basuhuzanya


Robertinho umutoza mukuru wa Rayon Sports


Haringingo Francis Christian umutoza mukuru wa MVS yibaza ibiri kuba


Munyakazi Yussuf Lule agenzura umupira imbere ya Niyonzima Olivier Sefu


Mutsinzi Ange Jimmy (5) ahunga Twizerimana Onesme (9)

PHOTOS: Saddam MIHIGO (Inyarwanda.com)


ANDI MAFOTO







IBITECYEREZO

  • turatsinze9 months ago
    Bakinanye imifuka iremereye niyo mpamvu babatsinze. Ntabwo wajya mukobuga wikoreye ibiro bine mu kabutura ngo bikorohere gutsinda.
  • Kayiranga Bosco9 months ago
    reyospr n'ikipe y'abanyarwanda bose iraje ikore ibitangaza


Inyarwanda Art studio
Inyarwanda BACKGROUND