RFL
Kigali

Michael Sarpong yatwaye igihembo cya SKOL na March’ Generation Fan Club-AMAFOTO

Yanditswe na: Mihigo Saddam
Taliki:20/02/2019 21:34
0


Michael Sarpong umunya-Ghana ukinira ikipe ya Rayon Sports ni we wahembwe nk’umukinnyi witwaye neza muri iyi kipe muri Mutarama 2019 nyuma yo gutorwa n’abafana ku mbuga za interineti ya March’Generation Fan Club na SKOL.



Michael Sarpong wageze muri Rayon Sports mu ntangiriro z’umwaka w’imikino 2018-2019, kuri ubu imikino ibanza ya shampiyona 2018-2019 yasize amaze gutsinda ibitego birindwi (7).


Michael Sarpong ateruye igihembo cya Mutarama 2019

Michael Sarpong yatwaye iki gihembo ngaruka kwezi ahigitse Niyonzima Olivier Sefu ufite icy’Ukuboza 2018 ndetse na Iradukunda Eric Radou ukina yugarira anyura iburyo muri iyi kipe yambara umweru n’ubururu.


Sarpong Michael ashyikirizwa igihembo ku mugaragaro




MC NH ni we wahamagaye Sarpong Michael nk'umukinnyi watsinze

Amaze gushyikirizwa igihembo cya Mutarama 2019, Michael Sarpong yashimye abateguye iki gikorwa aribo March’Generation Fan Club n’uruganda rwa SKOL, abatera nkunga bakuru b’ikipe ya Rayon Sports, abayobozi, abakinnyi bakinana n’abafana ba Rayon Sports muri rusange.

“Ndishimye cyane kuko mbonye ko ibyo nkora abafana ba Rayon Sports babiha agaciro. Ndashima abateguye iki gikorwa kandi nkanashima abayobozi ba Rayon Sports, abafana na bagenzi banjye dukinana muri Rayon Sports kuko iki gihembo ari icyacu twese muri rusange”. Sarpong


Michael Sarpong ni umukinnyi wigaragaje akigera muri Rayon Sports

Umukinnyi uhawe iki gihembo ahabwa ibahasha iba irimo ibihumbi ijana by’amafaranga y’u Rwanda (100,000 FRW), agahabwa ibirango bya SKOL na March’Generation.


Muri iki gikorwa abafana ba Rayon Sports basabye ko Ulimwengu Jules yabasuhuza nibwo MC NH yamuhamagaye amwereka abafana anabereka uko acenga


Jules Ulimwengu aganira n'abafana ba Rayon Sports

Iyi gahunda yazanywe bwa mbere n’itsinda ry’abafana ba Rayon Sports rihuza abibumbiye mu cyo bise March’Generation Fan Club. Nyuma nibwo baje kwihuza n’uruganda rwa SKOL muri gahunda yo kugira ngo igikorwa kigire ingufu n’agaciro kisumbuyeho.


Rwarutabura nawe ijambo ararihorana


Igikombe cyahawe Michael Sarpong nk'umukinnyi mwiza muri Rayon Sports wahize abandi muri Mutarama 2019


Tuyishime Karim bita Kenzman niwe wari uhagarariye SKOL

PHOTOS: Saddam MIHIGO (Inyarwanda.com)






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND