BOX OFFICE: Alita: Battle Angel niyo filime yacurujwe kurusha izindi muri iyi weekend

1. Alita: Battle Angel

Ni filime icuruzwa na Fox, yasohotse ku munsi w’abakundana kuwa 4 tariki 14/02/2019. Gukora iyi filime byatwaye miliyono 170 z’amadolari.

2. The LEGO Movie 2: The Second Part

Niyo iza ku mwanya wa kabiri muri filime zaguzwe cyane muri weekend, yinjije $21,215,000.  Yasohotse tariki 08/02/2019 ikaba icuruzwa na Warner Bros. iri mu bwoko bwa animation, ayo byatwaye kugira ngo itunganywe ntiyigeze atangazwa, kuva yasohoka kugeza ubu imaze kwinjiza $97,390,359. Ubushize niyo yari ku mwanya wa mbere.

3. Isn’t It Romantic

Icuruzwa na Warner Bros. (New Line), iri mu bwoko bwa comedy ikaba yarasohotse tariki 13/02/2019. Amafaranga yakoreshejwe mu kuyitunganya ntiyigeze atangazwa, muri weekend yinjije $14,210,000, naho kuva yasohoka kugeza ubu imaze kwinjiza $20,455,347. Aya mafaranga yose yayacuruje muri Amerika gusa.

4. What Men Want

Iyi nayo ni filime yo mu bwoko bwa comedy, yasohotse tariki 08/02/2019. Icuruzwa na Paramount, muri iyi weekend yinjije $10,920,000. Kuyikora byatwaye miliyoni 20 z’amadolari, kugeza ubu imaze kwinjiza $38,650,328. Ubushize yari ku mwanya wa kabiri.

5. Happy Death Day 2U.

Ni filime iteye ubwoba yasohotse tariki 13/02/2019, icuruzwa na Universal. Muri iyi weekend yinjije $9,816,000. Kuyikora byatwaye miliyoni 9 z’amadolari, kugeza ubu imaze kwinjiza $9,816,000 ku isi hose.

6. Cold Pursuit

Ubushize yari ku mwanya wa 3, ubu yaje ari iya 6, muri iyi weekend yinjije $6,000,000. Iri mu bwoko bwa action/drama, yasohotse tariki 08/02/2019. Icuruzwa na Lionsgate/Summit. Kuva yasohoka kugeza ubu imaze kwinjiza $21,122,332, ayo byatwaye ngo itunganywe ntiyigeze atangazwa.

7. The Upside

Icuruzwa na STX Entertainment, yasohotse tariki 11/01/2019, iri mu bwoko bwa comedy. Muri iyi weekend yinjije $5,590,000, kuyikora byatwaye miliyoni 37.5 z’amadolari, kugeza ubu uhereye igihe yasohokeye imaze kwinjiza $103,997,031. Ubushize yari ku mwanya wa 4.

8. Glass

Muri iyi weekend iyi filime yinjije $3,859,000, icuruzwa na Universal ikaba yarasohotse tariki 18/01/2019. Iri mu bwoko bwa Thriller, kuyikora byatwaye miliyoni 20 z’amadolari, kugeza ubu imaze kwinjiza $234,789,915. Ubushize yari ku mwanya wa 5.

9. The Prodigy

Nayo ni filime iteye ubwoba icuruzwa na Orion Pictures, muri iyi weekend yinjije $3,150,065, yasohotse tariki 08/02/2019. Kuva yasohoka kugeza ubu iracyacuruzwa muri Amerika gusa, amafaranga yose hamwe imaze kwinjiza ni $11,015,539, kuyikora byari byatwaye miliyoni 6 z’amadolari. Ubushize niyo yari ku mwanya wa 6.

10. Green Book

Iyi filime icuruzwa na Universal, yasohotse ku itariki 16/11/2018. Muri iyi weekend yinjije $2,751,000, ikaba mu bwoko bwa comedy/drama. Kuva iyi filime yasohoka kugeza ubu imaze kwinjiza $126,356,401, kuyikora byari byatwaye miliyoni 23 z’amadolari. Ubushize yari ku mwanya wa 7.