Inyarwanda art Studio
Kigali

ONU iratangaza ko indwara y'iseru imaze guhitana abarenga 100 muri Congo

Yanditswe na: Kaliza Liliane
Taliki:15/02/2019 8:49
0

Kuri uyu wa gatatu nibwo umuryango w’abibumbye watangaje ko abana barenga 100 ari bo bamaze guhitanwa n'indwara y’iseru muri Repubulika iharanira Demokarasi ya Congo kuva uyu mwaka wa 2019 watangira



Iyi ndwara kandi ije ari iya gatatu kuko yiyongereye kuri ebola ndetse na cholera byibasiriye iki gihugu, abashinzwe ubuzima muri Congo bavuga ko basanze abantu 7175 ari bo banduye iyi ndwara mu kwezi gushize kwa mutarama Muri bo, abagera ku 137 barapfuye ariko ngo 80% by’abapfuye ni abana bari munsi y’imyaka itanu

 

Impuguke zivuga ko iyi ndwara y'iseru yatewe n'ibura ry'inkingo, amavuriro adafite ibikoresho bihagije ndetse n'imirire mibi y'urubyiruko.

MONUSCO yongeyeho ko hamaze no kugaragara abantu 1936 barwaye cholera i Katanga, Lomami na Tanganyika, kuva uyu mwaka watangira

Yavuze ko ibura ry'amazi meza yo kunywa, ibikorwa by'isukura n'ubuvuzi, biri gukoma mu nkokora urugamba rwo guhangana n'iyi ndwara ya cholera.

Mu mpera z’'icyumweru gishize, nibwo igihugu cya Congo cyatangaje ko abantu barenga 500 bamaze guhitanwa na Ebola kuva yakwaduka mu ntara za Kivu y'amajyaruguru na Ituri mu burasirazuba bw'igihugu harangwa umutekano mucye, mu kwezi kwa munani k'umwaka ushize wa 2018.

Src: BBC








Bahaus

Inyarwanda BACKGROUND