iTel
Kigali

BASKETBALL: REG BBC yatsinzwe na Primeiro D'Agosto mu mukino wa kabiri w’itsinda rya 3

Yanditswe na: Mihigo Saddam
Taliki:10/02/2019 9:17
0

Ikipe ya REG BBC iri mu mikino Nyafurika ihuza amakipe yabaye aya mbere mu turere abarizwamo ku mugabane wa Afurika. REG BBC yatsinzwe na Primeiro D'Agosto (Angola) amanota 70-64.



Wari umukino wa kabiri kuri REG BBC mu itsinda irimo rya gatatu (C). REG BBC yaherukaga gutsinda Ferroviario da Beira yo muri Mozambique amanota 86-77.

Muri uyu mukino REG BBC yaburiyemo amanota y’umunsi, agace ka mbere karangiye Primeiro D'Agosto iri imbere n’amanota 19-13 mbere y'uko igice cya mbere cy’umukino kirangira ikiri imbere n’amanota 40-33.

Mu gace ka gatatu ikipe ya REG BBC yakomeje gushyiramo imbaraga kuko karangiye imaze kugwiza amanota 33 mu gihe Primeiro D'Agosto yari ifite amanota 40.


REG BBC irasabwa gutsinda Al Ahly BBC bito ikizera ko yakomeza mu kindi cyiciro

Agace ka gatatu karangiye Primeiro D'Agosto ifite amanota 56 kuri 48 ya REG BBC, umukino waje kurangira Primeiro D'Agosto itwaye amanota itsinze REG BBC ku kinyuranyo cy’amanota atandatu (70-64).

Ku ruhande rwa REG BBC, abakinnyi barimo Shyaka Olivier bayifashije kuko yatsinze amanota 15 mu minota 19.51 yamaze mu kibuga. Beleck Bell umukinnyi uri muri batanu beza bahagaze bwuma mu irushanwa, yakinnye iminota 35.04 atsinda amanota 12.

Manual Islando wa Primeiro D'Agosto ni we wahize abandi mu gutsinda kuko yatsinze amanota 26 mu minota 29.22 yamaze mu kibuga.

REG BBC itegereje umukino wa nyuma mu itsinda igomba gucakiranamo na Al Ahly bityo ikamenya niba ikomeza mu cyiciro gikurikira cyangwa se niba urugendo rwayo mu mikino Nyafurika rushyizweho akadomo.






Umwanditsi

Mihigo Saddam

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS