iTel
Kigali

FOOTBALL: Imikino y’umunsi wa 15 wa shampiyona iratangira kuri uyu wa Gatanu

Yanditswe na: Mihigo Saddam
Taliki:15/01/2019 14:18
1

Kuri uyu wa Gatanu tariki ya 18 Mutarama 2019 ni bwo hatangira imikino y’umunsi wa 15 wa shampiyona, imikino isoza iy’iyibanza muri Azam Rwanda Premier League 2018-2019. Kiyovu Sport izakira Musanze FC ku kibuga cya Mumena (15h30’).



Kiyovu Sport izakira uyu mukino iheruka kunyagira Amagaju FC ibitego 3-0 bituma iri ku mwanya wa kane (4) n’amanota 23 mu mikino 14 bamaze gukina. Mu mikino 14 Kiyovu Sport imaze gukina yatsinzemo irindwi (7), inganya ibiri (2) itsindwa imikino itanu (5). Kiyovu Sport izigamye ibitego umunani (8) kuko yatsinze 18 itsindwa icumi (10).


Barirengako Frank (6) wa Musanze FC ahanganye na Ngirimana Alex (15) kapiteni wa Kiyovu Sport

Musanze FC itari mu bihe byiza dore ko iheruka kunganya na Bugesera FC ibitego 2-2, iri ku mwanya wa 13 n’amanota 12 n’umwenda w’ibitego icyenda (9). Yatsinze imikino itatu (3), inganya itatu (3) itsindwa imikino umunani (8).

Mu yindi mikino, Rayon Sports izasura Marines FC kuwa Gatandatu tariki 19 Mutarama 2019 kuri sitade Umuganda mu Karere ka Rubavu. APR FC izacakirana na Police FC ku Cyumweru tariki 20 Mutarama 2019.


APR FC na Police FC ziracakirana kuri iki Cyumweru

Dore uko umunsi wa 15 uteye (15h30’):

Kuwa Gatanu tariki 18 Mutarama 2019

-Gicumbi FC vs Mukura Victory Sport (Gicumbi, Ntabwo uzaba)

-SC Kiyovu vs Musanze FC (Mumena Stadium)

Kuwa Gatandatu tariki 19 Mutarama 2019

-AS Muhanga vs Espoir FC (Stade Muhanga)

-Marines FC vs Rayon Sports (Umuganda Stadium)

-AS Kigali vs Amagaju FC (Stade de Kigali)

Ku Cyumweru tariki 20 Mutarama 2019

-Kirehe FC vs Bugesera FC (Nyakarambi)

-APR FC vs Police FC (Stade de Kigali)

-Etincelles FC vs Sunrise FC (Stade Umuganda)







IBITECYEREZO

  • maniriho7 months ago
    aprfc izabikora


Inyarwanda BACKGROUND