Mu mpera z’iki Cyumweru dusoje zasize ikipe ya UTB VC itsinda Gisagara VC iwayo amaseti 3-2 mu mukino w’isibaniro ry’ibigugu (Derby) waberaga mu karere ka Gisagara. REG VC iheruka gutsindwa na APR VC, yisasiye IPRC Karongi VC iyibitsa amaseti 3-0 kuri sitade Amahoro.
Ni umukino REG VC yakinaga ibizi neza ko kuwutakaza byaba ari inkuru mbi ku bakunzi, abayobozi n’abatoza bayo kuko iheruka gutsindwa na APR VC amaseti 3-2. Seti ya mbere REG VC yayitwaye ku manota 25-23 mbere y'uko batsinda iya kabiri n’amanota 25-20. Seti ya kabiri bayitsinze IPRC Karongi itarageza amanota 20 kuko REG VC yagejeje amanota 25 bakiri ku manota 19.
Peter Kamasa umutoza wungirije muri REG VC ahamagara abakinnyi ngo bakosore
Mugisha Benon umutoza mukuru wa REG VC
IPRC Karongi VC yatsinzwe na REG VC mu mukino wo kwishyura kuko n'umukino ubanza niko byagenze i Karomgi
Undi mukino wari wakiniwe mu Karere ka Gusagara, UTB VC iri ku mwanya wa mbere yabanja kunyagira Kirehe VC amaseti 3-0 (25-20,25-14 na 25-21) mbere yo gustsinda Gisagara VC amaseti 3-2 (21-25,25-14, 15-25, 25-22 na 14-16).
UTB VC irambye ku mwanya wa mbere
Gisagara VC yari yabanje kunyagira Kirehe VC amaseti 3-0 (25-22, 29-27 na 25-23). IPRC Ngoma yatsinze APR VC amaseti 3-1 (25-27, 25-20,25-19 na 25-22). Nyuma y’iyi mikino, UTB VC iraguma kuba ku mwanya wa mbere n’amanota 25 mu mikino 11 mu gihe REG VC iri ku mwanya wa kabiri n’amanota 23 mu mikino icumi (10) imaze gukina.
APR VC y'uyu mwaka ntabwo ikanganye
Gisagara VC iri ku mwanya wa gatatu (3) n’amanota 23 mu mikino icumi (10) imaze gukina. IPRC Ngoma ni iya kane n’amanota 13 mu mikino 10, IPRC Karongi VC ni iya gatanu (5) n’amanota umunani (8) mu mikino icumi (10).
APR VC ni iya gatandatu (6) n’amanota arindwi (7) mu mikino icyenda (9) mu gihe Kirehe VC ari iya karindwi (7) n’amanota atandatu (6) mu mikino icyenda (9).
IPRC Ngoma si ikipe mbi muri shampiyona
Kirehe VC ikomeje kuba ku mwanya wa nyuma muri shampiyona
Eng
RSS 
TANGA IGITECYEREZO