Kigali

RDC: Kidiaba wabaye umunyezamu wa TP Mazembe wabiciye mu kwishimira intsinzi yabaye umudepite

Yanditswe na: Janvier Iyamuremye
Taliki:10/01/2019 15:32
0 0 0 0 0 Loading... 0

Umunyabigwi mu Repubulika iharanira Demokarasi ya Congo wabaye umuzamu w’ikipe ya TP Mazembe ndetse n’Ikipe y’Igihugu, Robert Kidiaba yagizwe umudepite mu Ntara ya Katanga iherereye mu Mujyi wa Lubumbashi ubarizwamo amabuye y’agaciro ya ‘Copper’.



Kuri uyu wa 10 Mutarama 2019 nibwo Komisiyo y’amatora ya Repubulika iharanira Demokarasi ya Congo, yatangaje ko Felix Tshisekedi yatsinze amatora. Ikinyamakuru Soka, cyanditse ko Robert wabaye umudepite yamenyekanye cyane mu mupira w’amaguru binyuze mu buryo yishimiraga intsinzi asimbukisha ikibuno mu kibuga, ibizwi nka ‘bum-hopping’. Yatowe mu matora yasize Joseph Kabila wari umaze imyaka 18 ku butegetsi asimbuwe.

Urugendo rwa Politike yarutangiye muri 2015 ubwo yasezeraga ku mupira w’amaguru. Uyu mugabo w’imyaka 42 arubatse, ndetse afite abana batatu. Muri 2015 asezera gukina umupira yahise yinjira muri Politike anyuze mu ishyaka ‘ National Party for Democracy .


Robert yamenyekanye mu mupira w'amaguru yishimira intsinzi abyina.

Robert Kidiaba Muteba. Yavutse tariki 11 Gashyntare 1976. Ni umunye-Congo wavukiye i Lubumbashi mu Cyahoze ari Zaire, areshya na 1.82 m. Muri 2001 yakiniye ikipe ya AS Saint-Luc, 2002 akina muri TP Mazembe ari naho yavuye asezera umupira.

Ubu, Kidiaba ni umutoza wungurije w’abazamu mu ikipe ya TP Mazembe, aherutse mu Rwanda Robert Kidiaba ubwo ikipe ya DR Congo (U23) iheruka mu Rwanda gukina n'Amavubi (U23) mu gushaka itike y'igikombe cya Afurika cy'ibihugu cya 2019 kizabera mu Misiri yari umutoza w'abanyezamu.


Yinjiye muri Politiki 2015.

Robert Kidiabi, ubwo aheruka mu Rwanda.







Umwanditsi

Janvier Iyamuremye

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS