Ibintu 5 bito cyane umuhungu wese yifuza gukorerwa n’umukobwa bakundana

Muri za nama zihariye INYARWANDA ibagezaho mu bijyanye n’urukundo, muri iyi nkuru turibanda ku bintu bimwe na bimwe ndetse byoroheje cyane buri musore akenera gukorerwa n’umuobwa bakundana.

1.Mutere imbaraga aho yacitse intege

Mu gihe umusore mukundana agaragara nk’uwacitse integer, mubere inkomezi ntutume yiheba, ahubwo umuhe icyizere cy’uko bishoboka, niba abandi bamuvuyeho, mugumeho umutere imbaraga.

2.Rebana nawe umukino akunda kandi umufane

N’iyo waba udakunda siporo, abaye ari umukinnyi mu gihe atari gufanwa ba ari wowe wo kumufana. Niba ikipe akunda iri gukina mube hafi uge kumufasha kuyireba no kuyifana azishimira uruhare rwawe n’iyo yatsindwa ntuzamutererane bizamunezeza kurushaho.

3.Ntushake kwihindura undi

Abasore iyo bava bakagera, sin abo gusa ahubwo n’abakobwa, ntibashimishwa n’umuntu wigira uwo atari we. Niba uri kumwe n’umuhungu mukundana, wishaka kwigira undi muntu, ba uwo uri we azagukundire uko uri kuko mwazashwana cyane asanzwe wariyoberanyije kuri we.

4.Ishimire umuryango we n’inshuti ze kandi umutungure mu kumwitaho

Abahungu burya bakunda imiryango yabo kuko nibo bantu b’ingenzi kuri bo, kunda cyane abavandimwe be n’ababyeyi be ndetse n’inshuti ze. Umukundire umuryango n’inshuti unabishimire, uharanire kumenya uko bameze bizamunezeza. Si umuryango n’inshuti gusa gusa ahubwo nawe ukwiye kumwitaho kandi ukajya unyuzamo ukanamutungura kuko buri musore yishimira kwitabwaho n’umukobwa baundana cyane.

5. Mubwire amagambo meza, umuhobere unamusome bitunguranye

Ni kenshi abakobwa bicara bagategereza ko abahungu bakundana babahamagara cyangwa babandikira bo bakitaba cyangwa bagasubiza gusa, nyamara aho ntuba uri wiyubakira urukundo wowe mukobwa. Mutunguze ubutumwa bwiza bw’urukundo, muhamagare umwibutse ko umukunda bizamutera umunezero kumva ko hari umukunda kandi umutekerezaho. Kumuhobera no kumusoma byo bamwe barumva bisanzwe abandi bumve ari amahano, ariko niba muri mu rukundo byo bizabanyura mwembi. Bizaba byiza binabaryohere cyane igihe uzamuhobera ndetse ukanamusoma igihe atari abyiteze.

Si ibi gusa, ibi ni ibyo twafata nk’iby’ibanze. Nta kigoye kirimo twose ni utuntu tworoheje nyamara tugira umumaro mu kubaka urukundo. Mukobwa, itoze gukorera ibi bintu umukunzi wawe, azishima kandi agukunde kurshaho.