Mu ijoro ryo ku ya 1 rishyira iya 2 Mutarama 2019 mu mujyi wa Kigali habereye igitaramo cyo guha ikaze Jay Polly wari umaze amezi atanu afunze. Ni igitaramo cyabereye ahitwa Wakanda Villa. Muri iki gitaramo habereyemo agashya aho umugore wa Bull Dogg yakubise Sandra Miraji amuhora kubyinisha umugabo we.
Nyuma yo gukubitwa n'uyu mugore Sandra Miraji yaje gusaba imbabazi yibutsa abantu ko ibyabaye bitari bikwiye ndetse atari n'urugero rwiza ku bana b'abakobwa bakiri bato. Akoresheje urubuga rwa Instagram, Sandra Miraji yagize ati: "Njyewe Sandra Miraji ndasaba imbabazi z'ibyabaye mu rukerera rwo kuri uyu wa 2 Mutarama 2019, nari ndikwishimana n'inshuti yanjye akaba umuhanzi mugenzi wanjye, gusa mwese nzi ko muzi ibyabaye. Si urugero rwiza kuri barumuna bacu na basaza bacu bato..."
Sandra Miraji yasabye imbabazi
Iki gitaramo cyari icy'udushya gusa dore ko usibye Sandra Miraji wakubitiwemo n'umugore wa Bull Dogg, ikindi cyaranze iki gitaramo ni ugusinda kwa Bull Dogg na Jay Polly ndetse bakaba babanje gushaka kurwana n'ubwo abantu babakijije. Mu gitaramo hagati ntabwo Jay Polly yasoje kuririmba kuko yari yasinze n'ururimi rutava mu kanwa yewe no guhagarara bigaragara ko byari ikibazo.
REBA HANO UKO SANDRA MIRAJI YAKUBISWE N'UYU MUGORE WA BULLDOGG
Eng
RSS 
TANGA IGITECYEREZO