Albert Mphande yatoranyije abakinnyi 18 agomba kwakiriza Bugesera FC

Ni umukino w’umunsi wa 12 wa shampiyona ugomba kubera ku kibuga cya Kicukiro kuri iki Cyumweru tariki 30 Ukuboza 2018 saa cyenda n’igice (15h30’). Ni umukino Police FC izaba ihura na Seninga Innocent uzaba wagize isabukuru y’amavuko ndetse akaba aheruka muri Police FC ari umutoza mukuru.

Albert Mphande yakoze impinduka mu bakinnyi azitabaza kuko nyuma y'uko Peter Otema atemerewe gukina umunsi wa 12 wa shampiyona azira amakarita atatu y’umuhondo, byatumye Usabimana Olivier aza mu bakinnyi 18 ari nako Manzi Huberto Sinceres nawe agaruka bityo Nyibizi Vedaste akaba agiye ku ruhande kuko ku mukino wa Rayon Sports yari mu bakinnyi 18 bitabajwe.

Police FC izakina idafite Peter Otema ufite amakarita atatu y'umuhondo

Police FC iri ku mwanya wa kabiri n’amanota 20 mu mikino icumi ya shampiyona, ikaba iri inyuma ya APR FC iri ku mwanya wa mbere n’amanota 25 mu mikino icyenda (9). Bugesera FC iri ku mwanya wa 11 n’amanota 13 n’umwenda w’ibitego birindwi (7).

Mitima Isaac (23) arongera ayobore umutima w'ubwugarizi bwa Police FC

Muhinda Bryan ntabwo arabasha kubona umwanya wo gukina kuva shampiyona yatangira

Bugesera FC iheruka gutsindwa na Espoir FC ku kibuga cya Kicukiro, izakina uyu mukino idafite Munyabuhoro Jean d’Amour ukina mu mutima w’ubwugarizi kubrera amakarita atatu y’umuhondo ndetse na Mugenzi Bienvenue ufite ikibazo cy’imvune hafi y’igitsi.

Uwimbabazi Jean Paul afite amahirwe yo kubanza mu kibuga nyuma yo gutsinda Rayon Sports

18 ba Police FC baziatabazwa bakira Bugesera FC:

Nduwayo Danny Barthez (GK,1), Mpozembizi Mohammed 21, Muvandimwe Jean Marie Vianney 12, Mitima Isaac 23, Hakizimana Issa 15, Eric Ngendahimana (C,24), Iyabivuze Osée 22, Mushimiyimana Mohammed 10, Songa Isaie 9, Ndayishimiye Antoine Dominique 14, Uwimbabazi Jean Paul 7, Maniraguha Hilary (GK,18), Ishimwe Issa Zappy 26, Manzi Huberto Sinceres 16, Nzabanita David 8, Usabimana Olivier 11, Bahame Alafat 6 na Hakizimana Kevin 25.

11 ba Police FC bashobora kubanza mu kibuga

Seniga Innocent na Bugesera FC baraba bagarutse ku kibuga baheruka gutsindirwaho na Espoir FC

Munyabuhoro Jean d'Amour myugariro wa Bugesera FC afite amakarita atatu y'umuhondo

Dore uko umunsi wa 12 uteye (15h30')

Kuwa Gatanu tariki 28 Ukuboza 2018

-APR FC 0-0 Gicumbi FC (Stade ya Kigali)

Kuwa Gatandatu tariki 29 Ukuboza 2018

-AS Muhanga vs AS Kigali (Stade Muhanga)

-Etincelles FC vs FC Marines (Stade Umuganda)

-Mukura Victory Sport vs Kirehe FC (Stade Huye)

-Espoir FC vs SC Kiyovu (Rusizi)

-Sunrise FC vs Musanze FC (Nyagatare)

Ku Cyumweru tariki 30 Ukuboza 2018

-Rayon Sports vs Amagaju FC (Stade ya Kigali)

-Police FC vs Bugesera FC (Kicukiro)