RFL
Kigali

Yayeli wa Kingdom Ministries yabuze muri 11 bakomeje mu irushanwa ‘I am the future’-VIDEO

Yanditswe na: Janvier Iyamuremye
Taliki:16/12/2018 12:50
0


Mu ijoro ry’uyu wa Gatandatu tariki 15 Ukuboza 2018 habaye isozwa ry’icyiciro cya kabiri cy’irushanwa ‘I am the future’ hamenyekana 11 bakomeje batarimo Yayeli Niyitegeka, umuramyi ubarizwa muri Kingdom of God Ministries.



Akanama nkemurampaka kahisemo 11 bakomeje mu kindi cyiciro kagizwe n’umuramyi Uwitonze Clementine wamenyekanye nka Tonzi, Producer Nicolas wazamuye impano za benshi mu bahanzi Nyarwanda ndetse n’inararibonye mu muziki Ian wo muri Kenya, wabaye kimenyabose binyuze mu irushanwa ‘Tusker Project Fame’ ryasenyutse.

11 bakomeje muri iri rushanwa ni: Igirimbabazi Annick, Kagaju Ange Ritha, Gusenga Marie France, Umwiza Liliane, Muhogora Desire, Bisengimana Yves, Janviere Uwamahoro, Uwingabire Rebecca, Mugisha Lionel ndetse n’itsinda Bright 5 Fingers.

Hatangajwe abahanzi 11 bakomeza mu irushanwa.

Abanyuze imbere y’akanama nkemurampaka bagiye babwirwa amakosa bagomba gukosora hashingiwe ku buryo bitwaye ku rubyiniro. Babwiye kumenya uko bafata neza indangururamajwi, uko bagomba kwitwara imbere y’abafana, guhitamo neza indirimbo yo kuririmba, kwigirira icyizere, amahitamo y’indirimbo adatuma abafana baririmbana n’umuhanzi inkikirizo gusa, gutinyuka, kwishima, kwizihirwa n’ibindi byinshi biranga umunyamuziki….

Abarushanyijwe bagiye baririmba indirimbo z’abandi bahanzi mu buryo bw’umwimerere bacurangirwa n’itsinda rya bane.

‘I am the future’ ni irushanwa ngaruka mwaka rihuje hamwe abanyempano bazwi n’abandi bashaka kumenyekanisha birushijeho impano yabo. Abahanzi bahatanyemo baturuka mu bice bitandukanye by’igihugu. 

Uzegukana iri rushanwa azahabwa miliyoni 15 Frw anagirane amasezerano y’imikoranire n’inzu y’umuziki ya Future Records, uwa kabiri azahabwa miliyoni 7 Frw.

">REBA HANO 11 BAKOMEJE MU IRUSHANWA 'I AM THE FUTURE'

">






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND