Igitaramo M’Bilia Bel yakoreye igitaramo gisize abayobozi n’ibyamamare mu nzego zinyuranye birekuye babyina indirimbo ze zakunzwe mu myaka yo hambere zigifite umwimerere ucengera ingoma z’amatwi.
Abazi Igiswahili n’Igifaransa ni abahamya b’uko bizihiwe no gutaramirwa na M'Bilia Bel ufatwa nk'umwamikazi w’injyana ya Rumba na Kizomba. Iki gitaramo cy’amateka cyabaye mu ijoro ry’uyu wa Gatanu rishyira mu gicuku cy’uyu wa Gatandatu tariki 08 Ukuboza 2018. Cyateguwe na RG-Consult Inc ifite mu biganza Kigali Jazz Junction imaze guhuriza ibyamamare bitandukanye i Kigali.
Diane Gashumba, Minisitiri w'Ubuzima yizihiwe.
Ni igitaramo M’Bilia Bel yaserukanyemo ikamba ashimangira ko ari umwamikazi w’injyana ya Rumba na Kizomba. Mu gitaramo cy’amasaha agera kuri abiri, byari bigoye kubona uwakitabiriye utuje atabyina.
Abanyabirori, abayobozi mu nzego zitandukanye n’ibyamamare bagaragaje ko bakunze umuziki w’uyu mugore umaze imyaka 37 adakura ikirenge muri uyu mwuga. Abo barimo : Umuyobozi w'Umujyi wa Kigali wungirije ushinzwe ubukungu, Busabizwa Parfait ;
Umunyamakuru Mugabushaka Jeanne de Chantal uzwi nka Eminente, Minisitiri w'Ubuzima, Dr Diane Gashumba, Hon. Edouard Bamporiki, umuyobozi w'itorero ry'igihugu, Charly&Nina, Masamba Intore, Mani Martin,
Eric Kabera umuhanga mu bya sinema akaba n'Umuyobozi wa Kwetu Film, Patrick Samputu Umuyobozi mu ruganda rwa Bralirwa, Umunyamakuru Cyuzuzo Jean d’Ard wa Royal FM ni bamwe mu bagaragaje ko bazi gutamba indirimbo za M’Bilia Bel.
AMAFOTO:
Bel yaserukanye ikamba.
Hon.Bamporiki yagaragaje kwizihirwa kuva iki gitaramo gitangiye.
Min.Diane Gashumba abyinana na Busabizwa Parfait [wambaye ishati y'ibara ry'umweru].
Byasabaga kwitegereza imbyino za M'Bilia Bel.
Amafoto n'amashusho by'urwibutso byabitswe.
Akanyamuneza ku maso.....
Intore Masamba yanyuzwe n'umuziki wa M'bilia Bel.
Igitwenge cya Charly&Nina.
Abayobozi n'ibyamamare bahawe rugari bacinya akadiho.
Nizzo Kaboss wa Urban Boys.
Remmy Lubega Umuyobozi wa RG-Consult Inc.
Hon.Bamporiki....................
Andi mafoto menshi kanda hano:
REBA HANO UKO M'BILIA BEL YARIRIMBIYE ABANYA-KIGALI
AMAFOTO: Kiza Emmanuel-INYARWANDA.COM
VIDEO: Eric Niyonkuru-INYARWANDA.COM
Eng
RSS 
TANGA IGITECYEREZO