Mukura Victory Sport ikipe y’i Huye yatomboye Free State Stars yo muri Afurika y’Epfo mu mikino Nyafurika ihuza amakipe yatwaye ibikombe by’ibihugu byayo (Total CAF Confederation Cup) mu gihe APR FC izahura na Club Africain yo muri Tunisia.
Ikipe ya Mukura Victory Sport yatwaye igikombe cy’Amahoro 2018 izaba ikina iyi mikino. Iyi kipe yambara umukara n’umuhondo izabanza ijye gusura Free State Stars hagati ya tariki ya 27 na 28 Ugushyingo 2018 mbere yo kuyakira mu Rwanda hagati ya tariki 3 na 4 Ukuboza 2018.
Mukura VS yatwaye igikombe cy'Amahoro 2018 gitumye ikina imikino Nyafurika
APR FC ifite igikombe cya shampiyona 2017-2018 izatangira yakira Club Africain i Kigali mbere y'uko izaba ijya muri Tunisia gukina umukino wo kwishyura mu mikino Nyafurika ihuza amakipe yabaye aya mbere iwayo (Total CAF Champions League) ku matariki n’ubundi asa n’ayo Mukura Victory Sport izaba ikoreramo.
APR FC ifite igikombe cya shampiyona niyo izaserukira u Rwanda muri Total CAF Champions League
TANGA IGITECYEREZO