Mu gihugu kimaze imyaka micye kibayeho kurusha ibindi, Sudani y'Epfo abasore bakomeje kurushanirwa umukobwa bazakwa Ibisa n'ibyamirenge ku ntenyo.
Umukobwa w'imyaka 17, Nyalong Ngong Deng ari kurambagizwa n'abari mu irushanwa kuri ubu bagera kuri 6. Deng ni umukobwa muremure ushinguye wituriye mu cyaro kitwa Awerial mu Burasirazuba bwa Sudani y'Epfo.
Akomoka mu bwoko bw'abayirol. Umuco w'ubu bwoko ugena ko abasore bashaka kwegukana umukobwa bagomba kwerekana ko bazashobora gutunga umukobwa wabo batanga inkwano,utanze inkwano ihenze ni we wegukana umukobwa.
Muri 6 bamaze kurambagiza Deng w'imyaka 17, umwe muri bo usanzwe ari n'umuyobozi wungirije w'intara uyu mukobwa avukamo akaba n'umuherwe ukomeye muri aka karere k'Afurika y'Uburasirazuba yahisemo gukwa uyu mukobwa inka 520 n'imodoka 3 zo mu bwoko bwa V8, inkwano yafashe nk'ifatizo ku buryo nta mukwe umuryango w'uyu mukobwa uzemera atanze munsi y'iyi nkwano.
Nubwo ariwe watanze inkwano ndende ariko irushanwa riracyakomeje nk'uko umuryango w'uyu mukobwa wabitangaje. Bivuze ko uyu mukobwa ashobora kwegukanwa n'uzatanga inkwano irenze iyi.
Src: Sudan tribune
TANGA IGITECYEREZO