NTIBISANZWE: Nyuma y'imyaka 18 y'impaka, umusoro ku bikoresho by'abagore bari mu mihango ugiye kuvanwaho muri Australia

Ubusanzwe, ibitambaro by'isuku n'ibindi bikoresho byifashishwa n'abagore bari mu mihango bigurishwa hongeweho umusoro wa 10% kuko bifatwa nk'ibicuruzwa bitari ingenzi muri Australia. Ibi byatumye kuva mu mwaka wa 2000 abagore batangira ubukangurambaga bwifashishije imbuga nkoranyambaga bamagana iyi misoro, bakifuza ko nabo basonerwa iyi misoro nk’uko ku bindi bikoresho nk’udukingirizo bikorwa.

Nyuma y’aho Leta itoreye kwemeza ubu busabe Kelly O'Dwyer, Minisitiri w'abagore muri Australia, yatangaje ko byari bigoye ariko, nyuma y’akazi katamworoheye bageze ku cyo baharaniye. Yongeyeho ati: "Abagore babarirwa muri za miliyoni mu gihugu hose barabyishimiye cyane babinyujije ku nkuta nkoranyambaga". Uyu musoro ku bikoresho by'isuku abagore bifashisha bari mu mihango, watangiye kwamaganwa muri Australia kuva washyirwaho mu mwaka wa 2000.

Src: BBC