Kuri uyu wa Kabiri ahagana saa Tatu zuzuye z'ijoro ku masaha y’i Kigali nibwo ikipe ya Rayon Sports yageze mu Rwanda ikubutse i Lagos na Aba muri Nigeria, igihugu yatsindiwemo ibitego 5-1 na Enyimba SC mu mukino wo kwishyura wa kimwe cya kane cya Total CAF Confederation Cup.
Wari umukino wa 1/4 cy'irangiza cy'irushanwa Nyafurika rya TOTAL CAF Confederation Cup 2018, umukino wo kwishyura kuko uwubanza amakipe yombi yanganyije 0-0 i Kigali.
Enyimba International Football Club isanzwe ibitse ibikombe bibiri bya CAF Champions League (2003, 2004), yasezereye Rayon Sports mu mukino wo kwishyura n’ikinyuranyo cy’ibitego 5-1 kuko umukino wabereye i Kigali kuwa 16 Nzeli 2018, amakipe yombi yari yanganyije 0-0.
Abakinnyi basohoka mu kibuga cy'indege
Niyonzima Olivier Sefu (Ibumoso) na Nova Bayama (Iburyo)
Rwatubyaye Abdul myugariro wa Rayon Sports
Eric Rutanga Alba (Ibumoso) ahagera
Abafana ba Rayon Sports bakira ikipe yabo
Rwarutabura umufama ukomeye wa Rayon Sports yakira Me Muhirwa Freddy visi perezida wa Rayon Sports
Ibitego bya Enyimba SC yari mu rugo byatsinzwe na Sopuruchi Augustine Dimgba, Ikouwem Udo Utin, Sunday Adetunji, Joseph Osadiaye na Isiaka Oladuntoye. Bimenyimana Bonfils Caleb yatsinze igitego cy’impozamarira cya Rayon Sports.
Ageze ku kibuga cy’indege mpuzamahanga cya Kigali kiri i Kanombe, Robertinho Goncalves de Calmo umutoza mukuru wa Rayon Sports yavuze ko mu kuri ashimira abakinnyi uburyo bitwaye mu gihe gito bamaranye ndetse ko baranzwe n’ubwitange bitewe n’uburyo abo ikipe yatangiranye atari bo isozanyije kuko bagiye bajya mu yandi makipe. Robertinho yagize ati:
Mu gice cya mbere twagerageje kwitwara neza. Gusa ntababeshye twahuye n’ikipe ikomeye, ndababwiza ukuri twahuye n’ikipe ikomeye. Ni ikipe ifite irushanwa nk’iri inshuro ebyiri, ni ikipe ifite abakinnyi bamenyeranye mu gihe twebwe twatakaje abakinnyi barenga icumi babanzaga mu kibuga. Ubu twebwe twari dufitemo abana nka Gilbert (Mugisha), Ange (Mutsinzi), ni abakinnyi bari mu myaka 20 na 21, urumva ko harimo ikinyuranyo.
Robertinho yakomeje agira ati” Abakinnyi banjye bakoze akazi uko bari bashoboye. Reba nk’ubu mbere na mbere twafashe Caleb (Bimenyimana) tumuhinduramo rutahizamu mu gihe yari asanzwe ari umukinnyi uca mu mpande, urumva ko ni akazi gakomeye kaba karakozwe kugira ngo umusaruro uboneke kuko mu mikino ine yatsinze ibitego bitatu”.
Robertinho Goncalves umutoza mukuru wa Rayon Sports yakirwa n'abafana
Robertinho akomeza avuga ko kuri uyu wa Gatatu tariki 26 Nzeli 2018 abakinnyi bagomba kuruhuka mbere ya saa sita mbere y'uko nyuma ya saa sita bazakora imyitozo ku kibuga cyo mu Nzove muri gahunda ikomeye yo kugerageza abakinnyi bashya bari muri Rayon Sports.
Nyuma yuko abakinnyi n’abandi bari kumwe n’ikipe bageze i Kanombe, bahise bafata inzira igana mu mujyi wa Kigali rwa gati bajya kwiyakira no kuganira uko urugendo rwa Kigali-Lagos-Aba-Kagos-Kigali rwagenze.
Muhawenimana Claude perezida w'abafana ba Rayon Sports yakira Robertinho
Itangishaka Bernard (Ibumoso) umunyamabanga wa Rayon Sports yakira Robertinho (Iburyo) umutoza wa Rayon Sports
Abafana ba Rayon Sports bishimira aho ikipe yabo yagarukiye
Nkundamatch w'i Kilinda na Rwarutabura bishimira Muvunyi Paul perezida wa Rayon Sports
Mugisha Francois Master (25) agera i Kanombe
Abafana bakira abakinnyi
Rayon Sports The Sisters Family itsinda ry'abakobwa bazajya bagaragara muri gahunda zitandukanye za Siporo bari baje kwakira Rayon Sports
Manishimwe Djabel yakirwa n'abafana
Abafana bari bishimye muri rusange
Gikundiro Forever itsinda ry'abafana ba Rayon Sports
PHOTOS: Saddam MIHIGO (Inyarwanda.com)
TANGA IGITECYEREZO