FIFA WC 2018: Croatia bageze ku mukino wa nyuma bakuyemo Abongereza-AMAFOTO

Ikipe y’Abongereza (The Three Lions) ni bo bafunguye amazamu ku munota wa kane (4’) ubwo Kieran Trippier myugariro w’iburyo mu ikipe ya Tottenham Hotspur yabatsindiraga igitego kuri coup franc yateye ikagana mu izamu.

Bavuye kuruhuka ni bwo Croatia batangiye kwivugurura bityo ku munota wa 68’ ni bwo Ivan Perisic yababoneye igitego cyo kwishyura mbere yuko iminota 90’ ishira bakabongera indi minota 30’ (AET).

Iyi minota bongeyeho yabaye amahirwe ya Croatia kuko ubwo bari bageze ku munota wa 109’ Mario Mandzukic yatsinze igitego cyabaye amateka akomeye ku batuye n’abafite aho bahurira n’igihugu cya Croatia.

Abongereza baherukaga umwanya ukomeye mu gikombe cy’isi ubwo bagitwaraga mu 1966 mu gihe Croatia ari ubwa mbere bageze ku mukino wa nyuma mu nshuro eshanu (5) bamaze kwitabiramo igikombe cy’isi kuko bakigezemo bwa mbere mu 1998.

Kieran Trippier yishimira igitego cyafunguye amazamu

Croatia ku gitego cyabo cya kabiri bishimye bikomeye 

Ikipe ya England izakina na Belgium bahatanira umwanya wa gatatu dore ko bari banazamukanye mu itsinda rya karindwi (G) bakurikirana. Belgium bari bazamutse ari aba mbere n’amanota icyenda (9) mu gihe England bari aba kabiri n’amanota atandatu (6).

Croatia yageze ku mukino wa nyuma mu mateka yayo, yari yazamutse iyoboye itsinda rya kane (D) kuko yari ifite amanota icyenda (90) ikurikirwa na Argentina ya kabiri n’amanota ane (4). Muri iyi mikino y’amatsinda ni nabwo Croatia yanyagiraga Argentina ibitego 3-0.

France kuri ubu inahabwa amahirwe yo guterura igikombe cyaza gisanga icyo baheruka mu 1998, bazamutse bayoboye itsinda rya gatatu (c) n’amanota arindwi (7) kuko bazamutse bakurikiwe na Denmark yari ifite amanota atanu (5).

Ku wa Gatandatu tariki 14 Nyakanga 2018 Saa kumi z’amasaha ya Kigali (16h00’) ni bwo hazaba hakinwa umukino w’umwanya wa Gatatu mu gihe ku Cyumweru tariki 15 Nyakanga 2018 ari bwo hazaba hakinwa umukino wa nyuma uzahuza ikipe y’igihugu ya France na Croatia saa kumi n’imwe ku masaha yo mu Rwanda (17h00’).

Igitego cya Kieran Trippier 

Abongereza bishimira igitego

Mario Mandzukic ukinira Juventus ni we watumye Croatia iva mu nzara za England

Isozwa ry’igikombe cy’isi 2018:

Kuwa Gatandatu tariki 14 Nyakanga 2018

Umwanya wa Gatatu: Belgium vs England (St Petersburg, 16h00’)

Ku Cyumweru tariki 15 Nyakanga 2018

Umukino wa nyuma: France vs Croatia (Luzhniki,17h00’)

Abanya-Croatia bishimira igitego

Mario atsinda igitego

Kieran Trippier yaje kuva mu kibuga arandaswe kubera umunaniro

Dele Ali ashaka kumvana imitsi na Ivan Rakitic

Abongereza bagiye bahusha ibitego

John Stones ahiga igitego cy'Abongereza 

Ivan Perisic abaza Ivan Strinic niba byanze ngo bamusimbuze

Inama za nyuma y'iminota 90'

Mario Mandzukic amereye nabi Kyle Walker

Kyle Walker nawe byanze ava mu kibuga 

Raheem Sterling (10) ahiga igitego cya England 

Ivan Persic ashaka kunigana na Kyle Walker

Harry Kane kapiteni w'u Bwongereza asunikwa akagwa mu byapa byamamaza

Dejan Lovren abaza umusifuzi niba afashe icyemezo cyiza

Harry Maguire (6) ahanganye na Ante Rebic (18)

Luka Modric aburanira Croatia

Uburyo Harry Kane yakabaye yabonyemo igitego cy'Abongereza 

Marcelo Brozovic  (11) ahanganye na Jordan Henderson (8) hagati mu kibuga 

Mario Mandzukic (17) hejuru ya Jordan Henderson (8) na John Stones (5) abashakamo igitego

Jordan Pickford umunyezamu wa England afata umupira 

Jordan Henderson yirenza umupira ari imbere ya Luka Modric

Ivan Rakitic (7) ku mupira abangamiwe na John Stones (5)

Harry Maguire (6) arwana ku ikipe ye kuko Domagoj Vida yari amwugarije 

Raheem Sterling ashaka guhita

Ubwo abakapiteni b'amakipe yombi batombolaga ibibuga 

Luzhniki Stadium yari yakubise yuzuye 

Abakinnyi bitabajwe mu mukino:

Croatia: Subasic, Vrsaljko, Lovren, Vida, Strinic (Pivaric 95), Rakitic, Brozovic, Rebic (Kramaric 101), Modric (Badelj 119), Perisic, Mandzukic (Corluka 116)

England: Pickford, Walker (Vardy 112), Stones, Maguire, Trippier, Alli, Henderson (Dier 97), Lingard, Young (Rose 90), Sterling (Rashford 74), Kane

Ivan Perisic yishimira igitego yatsinze yishyura

Uburyo yagitsinzemo

Mario Mandzukic yishimira igitego cyaraje neza Abanya-Croatia

Abakinnyi ba Croatia hafi y'abafana 

Abakinnyi ba Croatia ku munota wa nyuma

Gareth Southgate umutoza wa England yihanganisha abakinnyi

Umwanya utari woroshye ku bakinnyi b'u Bwongereza 

Photos: DailMailOnline