iTel
Kigali

Uganda:Harategurwa imyigaragambyo yo kwamagana umusoro ku mbuga nkoranyambaga

Yanditswe na: Yvonne Murekatete
Taliki:9/07/2018 11:13
0

Ibyamamare bitandukanye bikomeje gukangurira abagande kwitabira imyigaragambyo yamagana imisoro ku ikoreshwa ry’imbuga nkoranyambaga. Ni imyigaragambyo yateguwe n’abantu batandukanye biganjemo abaharanira uburenganzira bwa muntu. Igomba kuba kuri uyu wa 3.



Kuri uyu wa 3 taliki ya 11 Nyakanga  2018, hateganijwe imyigaragambyo yo kwamagana imisoro ku bakoresha imbuga nkoranyambaga muri Uganda. Ni imyigaragambyo igomba gutangira ahagana ku isaha ya saa tatu za mu gitondo ku isaha y’i Kampala.

Bimwe mu byamamare mu muziki bikomeje gushishiskariza abagande kuzitabira iyi myigaragambyo izakorwa mu mutuzo, hakorwa urugendo mu mutuzo, urugendo ruzerekeza ku nteko ishingamategeko y’iki gihugu yemeje iri tegeko risoresha abakoresha imbuga nkoranyambaga bose mu gihugu cya Uganda.

 BobiwineBobi wine ,icyamamare mu ruhando rwa muzika muri Uganda yasabye abagande kuzambara umwambaro w’ibara ry’umutuku ,abinyujije ku rukuta rwe rwa instagram

Hagati aho ibiro ntaramakuru bw’abongereza Reuters bitangaza ko benshi mu bahirimbanira uburenganzira wa muntu muri Uganda batangaje ko bagiye kujyana ikirego mu rukiko rw’ikirenga kuko bemeza ko abagande bari gukandamizwa mu buryo bwinshi bakabuzwa ubwisanzure Leta yitwaje gusoresha imisoro imbuga nkoranyambaga.

Itegeko risoresha imisoro ku bakoresha imbuga nkoranyambaga ryamaganwe n’abagande benshi barimo na bamwe mu bagize inteko ishinagamategeko y’iki gihugu. Iri tegeko ritegenya ko buri wese ukoresha imbuga nkoranyambaga runaka agomba kwishyura amashilingi ya Uganda 200 buri kwezi.






Umwanditsi

Yvonne Murekatete

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS