Inkumi z’abanyabirori zasariye umunyamuziki Mugwaneza Lambere wamamaye nka Social Mula mu gitaramo gikomeye yaraye akoze mu ijoro ryo kuri uyu wa Gatanu tariki ya 22 Kamena 2018 muri Ambassador’s Park iherereye i Gikondo mu karere ka Kicukiro mu mujyi wa Kigali.
Ni igitaramo cyaranzwe n’ubwitabire bwo hejuru. Yageze ku rubyiniro asanganirwa n’ibyishimo by’abafana bari bamutegereje kuva mu masaha y’umugoroba. Umufana yasabaga indirimbo ashatse ubundi Social Mula akayimuririmbira imbona nkubone.
Yaririmbye zimwe mu ndirimbo yahereyeho kugeza ku ndirimbo aheruka gushyira hanze nka ‘Abanyakigali’, ‘Agakufe’, ‘Isegonda’ n’izindi nyinshi zazamuye ibyishimo by’abafana bari bateraniye muri Ambassador’s Park izwiho gutumira umuhanzi nyarwanda buri wa Gatanu.
Abanyabirori ntibatanzwe
Bamwe mu bakobwa bari basohokeye muri Ambassador’s Park bagaragaje kwishimira uyu muhanzi mu buryo budasanzwe, bamwe babyinanye nawe, abandi bifotoza bari kumwe, ibintu byakomeje gushimisha abahasohokeye kugeza igitaramo gisozwe mu gicuku.
AMAFOTO:
Social Mula ku rubyiniro, umufana imbere ye yibyinira
Imbere y'abafana bari bamutegereje
Uyu mugabo yabyinaga acigatiye icupa
Yari yemeje gutahana ifoto ya Socia Mula
Buri wese yabyinaga uko abyumva
Bamwe mu bakobwa bamusangaga ku rubyiniro
Inkumi zamwishimiye mu buryo bukomeye
Uyu mwana yasanze Social ku rubyiniro amusaba indirimbo
Uyu mukobwa yabyinnye indirimbo za Social Mula karahava
Abafana banyuzwe n'umuziki w'uyu muhanzi
Inkumi zarwanaga no gufata amafoto n'amashusho y'uyu muhanzi ari ku rubyiniro
Social Mula yanyuze benshi
AMAFOTO: Iradukunda Desanjo-INYARWANDA.COM
TANGA IGITECYEREZO