Ikipe y’igihugu y’Abarusiya nk’igihugu cyakiriye imikino ya nyuma y’igikombe cy’isi, yatangiye iri rushanwa inyagira Arabia Saudite ibitego 5-0 mu mukino ufungura wakinwe kuva saa kumi n’imwe z’umugoroba w’uyu wa Kane tariki 14 Kamena 2018.
Abarusiya bafunguye amazamu ku munota wa 12’ ku gitego cyatsinzwe na Yuri Gazinskiy. Denis Cheryshev wari winjiye mu kibuga asimbura Dzagoev wari ugize ikibazo mu ntango z’umukino, yaje gutsindamo ibitego bibiri (43’ na 91’). Ibindi bitego byatsinzwe na Artem Dzyuba (71’) na Aleksandar Golovin (94’) umwe mu bakinnyi bagaragaje ubuhanga mu ikipe y’Abarusiya.
Muri uyu mukino w’itsinda rya mbere (A), Aleksandar Golovin yahakuye ikarita y’umuhondo cyo kimwe na Taisir Al-Jassim wa Arabia Saudite. Muri uyu mukino kandi, ikipe ya Arabia Saudite n'ubwo yatsinzwe, ni yo yatindanye umupira kuko bawugumanye ku kigero cya 59% mu gihe Russia bawugumanye 41%.
Russia bateye imipira irindwi (7) igana mu izamu mu gihe Arabia Saudite nta n’umwe (0) bateye. Russia bateye imipira itanu (5) ica kure y’izamu mu gihe Arabia Saudite bateye imipira ine (4). Russia yari mu rugo, yateye koruneri esheshatu (6) mu gihe Arabia Saudite babonye koruneri ebyiri (2). Russia baraririye inshuro eshatu (3) naho Arabia Saudite babikora inshuro imwe (1).
Russia bakoze amakosa 22 mu gihe Arabia Saudite bakoze amakosa icumi (10). Russia na Arabia Saudite buri ruhande rwahawe ikarita imwe y’umuhondo.
Abakinnyi babanje mu kibuga n'abasimbura:
Russia: Akinfeev, Fernandes, Kutepov, Ignashevich, Zhirkov, Zobnin, Gazinsky, Golovin, Samedov, Smolov, Dzagoev.
Abasimbura: Lunev, Semenov, Cheryshev, Kuzyaev, Kudryashov, Granat, Aleksey Miranchuk, Anton Miranchuk, Erokhin, Dzyuba, Smolnikov, Gabulov.
Saudi Arabia XI: Al-Muaiouf, Al-Breik, Osama Hawsawi, Omar Hawsawi, Al-Shahrani, Al-Jassam, Otayf, Al Dawsari, Al-Shehri, Al-Faraj, Al-Sahlawi.
Abasimbura: Al-Mosailem, Al-Harbi, Al Bulaihi, Bahbir, Al-Khaibri, Kanno, Al-Khaibari, Al-Moqahwi, Al-Muwallad, Asiri, Motaz Hawsawi, Al-Owais.
Umusifuzi: Pitana Nestor (Argentina)
Cherchesov umutoza mukuru wa Russia yishimira intsinzi
Cherchesov ashimira Dzyuba watsinze igitego mu mukino
Kuri uyu wa Gatanu tariki 15 Kamena 2018 ni bwo hazaba hakinwa umukino wa kabiri w’itsinda rya mbere (A) ubwo Egypt ya Mohammed Salah izaba icakirana na Uruguay saa munani (14h00’) mu gihe mu itsinda rya kabiri (B) nabo bazakina. Mu itsinda rya kabiri (B), Maroc izakira Iran saa kumi n’imwe (17h00’) mbere y'uko Portugal izaba icakirana na Espagne saa mbili z’umugoroba (20h00’).
Artem atera igitego n'umutwe
Artem Dzyuba yikoza ibicu yishimira igitego
Artem Dzyuba yinjiye mu kibuga asimbuye Smolov
Cherychev ukinira ikipe ya Villareal muri Espagne yatahanye ibitego bibiri mu mukino
Abakinnyi ba Russia bishimira igitego cya Cherchev
Chrychev w'imyaka 27 yishimira igitego
Uburyo yagitsinzemo
Denis Cheryshev yakoze akazi gakomeye
Dzagoev (9) yavuye mu kibuga hakiri kare atsikiye ahita asimburwa na Cherychev
Fyodor Smolov (10) ashaka igitego mbere yo gusimburwa
Haririmbwa indirimbo zubahiriza ibihugu mbere y'umukino
Ibyishimo by'Abarusiya
Abdullah Almuaiouf umunyezamu wa Arabia Saudite yahaboneye akatari gato
PHOTOS: DailMailOnline
TANGA IGITECYEREZO