Kigali

U Burusiya:Perezida Kagame yarebye imbonankubone umukino wa mbere w'igikombe cy'isi cya 2018-AMAFOTO

Yanditswe na: Editor
Taliki:14/06/2018 18:32
0 0 0 0 0 Loading... 0

Kuri uyu wa Kane tariki 14/06/2018 ni bwo mu Burusiya hatangiye imikino y'irushanwa ry'igikombe cy'isi cya 2018 mu mupira w'amaguru. Perezida w'u Rwanda Paul Kagame uri kubarizwa mu Burusiya, yakurikiranye imbonakubone umukino wa mbere w'igikombe cy'isi.



Umukino wafunguye igikombe cy'isi cy'uyu mwaka, wahuje u Burusiya na Saudi Arabia. Perezida w'u Rwanda Nyakubahwa Paul Kagame akaba na Perezida w'Umuryango wa Afrika Yunze Ubumwe (AU), yakurikiranye uyu mukino yicaye mu myanya y'icyubahiro muri Sitade 'Luzhniki' yabereyemo uyu mukino. Iyi stade iherereye mu mujyi wa Moscow mu gihugu cy'u Burusiya. Perezida Kagame yari ari kumwe na Gen. James Kabarebe.

U Burusiya bwakiriye irushanwa, bwitwaye neza bunyagira Saudi Arabia ibitego 5:0. Igitego cya mbere cyatsinzwe na Yury Gazinsky ku munota wa 12', Denis Cheryshev yinjiza icya kabiri ku munota wa 43', Artem Dzyuba atsinda igitego cya 3 ku munota wa 71' w'umukino. Mu minota itatu y'inyongera (3'), u Burusiya bwatsinze ibindi bitego bibiri, harimo icya Denis Cheryshev cyagiyemo ku monota wa 91' ndetse n'icya Aleksandr Golovin cyinjiyemo ku munota wa 94' w'umukino. 

Paul KagamePaul KagamePaul Kagame

Perezida Kagame mu Burusiya akurikiranye umukino wa mbere w'igikombe cy'isi

Igikombe cy’isi cy'uyu mwaka cyatangiye kuri uyu wa Kane tariki 14 Kamena 2018, biteganyijwe ko kizarangira tariki 15 Nyakanga 2018. Perezida Kagame yageze mu Burusiya kuri uyu wa Gatatu. Yitabiriye itangizwa ry'igikombe cy'isi ndetse mbere y'uko iyi mikino itangira yagiranye ibiganiro na Perezida Putin w'u Burusiya.

JPEG - 118.9 kbJPEG - 180.1 kb

Perezida Kagame aganira na Perezida Putin w'u Burusiya






Umwanditsi


Inyarwanda BACKGROUND

Copyright © 2008-2019 Inyarwanda Ltd
RSS