Kuri uyu wa Kane tariki 14 Kamena 2018 ni bwo habaye tombora y’uko amakipe azacakirana mu mikino y’igikombe cya shampiyona y’u Bwongereza imwe mu zikunzwe cyane hano mu Rwanda no ku isi. Iyi tombora yarangiye saa yine zuzuye za hano i Kigali yasize ikipe ya Arsenal izatangira shampiyona icakirana na Manchester City.
Shampiyona y’u Bwongereza izatangira tariki 11 Kanama 2018 aho Saa Kumi z’umugoroba ikipe ya Arsenal Fc izaba icakirana n’ikipe ya Manchester City i Londre ku kibuga cya Arsenal. Nyuma y’uyu mukino tariki 18 Kanama 2018 iyi kipe izaba inamamaza u Rwanda, ikazahita icakirana na Chelsea imikino yose ibiri ikomeye kuri iyi kipe.
Mu yindi mikino iteganyijwe ku munsi wa mbere wa Premier League, Manchester United izakira Leicester City, Liverpool ihure na West Ham mu gihe Wolverhampton yatwaye shampiyona y’icyiciro cya kabiri ikazamuka, izahura na Everton. Fulham izakira Crystal Palace mu gihe Cardiff City izasura ikipe ya Bournemouth.
Uko imikino izaba imeze ku munsi wa mbere wa shampiyona
TANGA IGITECYEREZO