iTel
Kigali

Mexico, USA na Canada batsinze amatora yo kuzakira igikombe cy’isi cya 2026

Yanditswe na: Mihigo Saddam
Taliki:13/06/2018 13:24
0

Mexico, Leta Zunze Ubumwe za Amerika na Canada ni byo bihugu bizakira igikombe cy’isi cya 2026 nyuma yo gutsinda igihugu cya Maroc mu matora yo guhatanira kwakira iri rushanwa riba buri myaka ine.



Ni imyanzuro yafatiwe mu nama ya 68 ihuza abanyamuryango b’impuzamashyirahamwe y’umupira w’amaguru ku isi (FIFA), inama iri kubera i Moscow mu Burusiya ahagomba no kubera imikino ya nyuma y’igikombe cy’isi 2018 guhera kuri uyu wa Kane tariki 14 Kamena 2018.

Muri aya matora, ibihugu birimo Canada, Mexico na Leta Zunze Ubumwe za Amerika (USA) bagize amajwi 134, Maroc yari ihagarariye Umugabane wa Afurika yagize amanota 65 mu gihe kimwe mu bihugu batoye imfabusa kuko abanyamuryango bemerewe gutora bari 199. Igikombe cy'isi cya 2026 kizaba kirimo amakipe y'ibihugu 48, hazakinwamo imikino 80 mu minsi 34 mu gihe hasanzwe hitabira amakipe 32 bagakina imikino 64 mu minsi 30.

Igikombe cy'isi cy'uyu mwaka kiratangira kuri uyu wa Kane tariki 14 Kamena 2018

Igikombe cy'isi cy'uyu mwaka kiratangira kuri uyu wa Kane tariki 14 Kamena 2018





Umwanditsi

Mihigo Saddam

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS