Box Office: Ocean’s 8 Rihanna yakinnyemo ni yo filime iyoboye izagurishijwe cyane muri Weekend

Ivuga inkuru y’uwitwa Debbie Ocean utegura gahunda yo kwiba diyama ihenze cyane afatanyije n’ikipe. Hagaragaramo Rihanna, Sandra Bullock, Cate Blanchett, Anne Hathaway n’abandi. Iyi filime yayobowe na Gary Ross, ikorwa na Smoke House Pictures, Village Roadshow Pictures.

2. Solo: A Star Wars Story

Ni filime icuruzwa na Buena Vista, yasohotse tariki 25/05/2018. Muri iyi weekend yacuruje  $15,154,000 muri Amerika gusa, ku isi hose yinjije $312,205,474. Amafaranga yakoreshejwe mu gukora iyi filime ntiyigeze atangazwa. Ubushize yari ku mwanya wa 1.

3. Deadpool 2

Deadpool 2 iri muri filime zari zitegerejwe cyane muri uyu mwaka. Niyo iri ku mwanya wa 3 mu zagurishijwe iyi weekend, dore ko yinjije $13,650,000 muri Amerika gusa ndetse kugeza ubu imaze kwinjiza $655,258,593 ku isi hose. Yasohotse tariki 18/05/2018, icuruzwa na Fox, kuyikora byatwaye miliyoni 110 z’amadolari, ubushize niyo yari ku mwanya wa 2.

4. Hereditary

Ni filime iteye ubwoba ivuga ku muryango uba ufite amabanga ateye ubwoba mu bisekuruza byawo, agenda avumburwa nyuma y’uko uwitwa Ellen amaze gupfa, umuryango w’umukobwa we ugatangira kumenya ibintu bidasanzwe.  Ikinamo Toni Colette, Gabriel Byrne, Milly Shapiro n’abandi benshi. Yayobowe na Ari Aster, ni iya A24. yasohotse ku itariki 08/06/2018, yinjije $13,037,336 muri Amerika gusa, dore ko kugeza ubu ariho gusda icuruzwa.

5. Avengers: Infinity War

Avengers: Infinity War ni filime icuruzwa na Buena Vista, yakozwe na Marvels. Muri iyi weekend yinjije $6,836,000. Kuva yasohoka kugeza ubu imaze kwinjiza $1,998,033,699. Yasohotse ku itariki 27/04/2018. Amafaranga yakoreshejwe mu kuyikora ntiyigeze atangazwa, ubushize yari ku mwanya wa 4.

6. Adrift

Ni filime icuruzwa na STX Entertainment, yasohotse ku itariki 01/06/2018, muri iyi weekend yinjije $5,050,000. Kuva yasohoka kugeza ubu imaze kwinjiza $22,539,025, kuyikora byatwaye miliyoni 35 z’amadolari. Ubushize iyi filime yari ku mwanya wa 3 mu zacurujwe cyane.

7. Book Club

Ni filime yasohotse ku itariki 18/05/2018, icuruzwa na Paramount, muri iyi weekend yinjije $4,200,000. Iyi filime icuruzwa muri Amerika gusa kuri ubu imaze kwinjiza $56,874,124. Ayo byatwaye ngo ikorwe ntiyatangajwe. Ubushize yari iya 5 ku rutonde rwa filime zacurujwe cyane.

8. Hotel Artemis

Yinjije $3,151,118 muri iyi weekend, dore ko ari nayo yonyine yinjije, icuruzwa muri Amerika gusa. Icuruzwa na Global Road, yasohotse tariki 08/06/2018, ayo byatwaye ngo ikorwe ntiyigeze atangazwa, iri mu bwoko bwa Action/Thriller.

9. Upgrade

Nayo icuruzwa muri Amerika gusa, yinjije $2,220,000 muri iyi weekend, kuva yasohoka kugeza ubu imaze kwinjiza $9,209,605. Icuruzwa na BH Tilt, ubushize yari ku mwanya wa 6 mu zacurujwe cyane.

10. Life of the Party

Ni filime icuruzwa na Warner Bros (New Line), yasohotse ku itariki 11/05/2018, ni filime isekeje (comedy). Muri iyi weekend yinjije $2,105,000 muri Amerika gusa, ku isi hose yinjije $58,966,577 kuva yasohoka, ayo byatwaye ngo ikorwe ntiyigeze atangazwa. Ubushize yari ku mwanya wa 7.