iTel
Kigali

Imyiteguro ya 20 Km de Bugesera igeze ku kigero cya 85% mu gihe bakiriye umuterankunga uzahemba umukinnyi uzahiga abandi-AMAFOTO

Yanditswe na: Mihigo Saddam
Taliki:11/06/2018 21:22
0

Ku Cyumweru tariki ya 17 Kamena 2018 ni bwo i Nyamata mu Bugesera hazaba habera irushanwa ngaruka mwaka rya 20 Km de Bugesera , irushanwa rizaba rikinwa ku nshuro yaryo ya gatatu kuva ryakinwa ba mbere mu 2016. Abatekinisiye bategura iri rushanwa bemereye abanyamakuru ko imyiteguro igeze ku kigero cya 85 ku ijana.



Rwabuhihi Innocent umuyobozi wa tekinike uzaba arebana n’imitegurire ya 20 Km de Bugesera 2018, yemereye abanyamakuru ko kugeza kuri uyu wa Mbere tariki ya 11 Kamena 2018 imyiteguro igeze ku rwego rwa 85% mu gihe habura iminsi ibarirwa ku ntoki ngo hamenyekane abiteguye neza. Rwabuhihi Innocent yagize ati:

Ubu navuga ko ku rwego rwo gutegura ibigendanye na tekinike bisa naho byarangiye kuko tugeze kuri 85%. Ubu twamaze guhugura abazaba badufasha muri tekinike, bamwe baba bahagaze ku muhanda bayobora abakinnyi bose bazi icyo bazaba bashinzwe muri iri rushanwa. Ubu ibisigaye ni ukugenda tugenzura neza aho twaba twaribeshye kuko nko gupima ibilometero bisaba kubikora nibura inshuro enye. Utwo tuntu duto ni two dusigaye.

Rwabuhihi Innocent uzaba ayiboye ibikorwa byose bya tekinike muri 20 Km de Bugesera 2018

Rwabuhihi Innocent uzaba ayoboye ibikorwa byose bya tekinike muri 20 Km de Bugesera 2018

Abazakora ibilometero 20 bazahaguruka kuri Golden Tulip Hotel bamanuke bagere mu mujyi wa Nyamata bakomeze bagere ku nzu y’urubyiruko bakomeze bagere Maranyundo bagaruke bace kuri ADEPR bagere ku biro by’Akarere baze kuzenguruka umujyi wa Nyamata inshuro ebyiri babone kugaruka kuri Golden Tulip Hotel.

Nizeyimana Alexis yegukanye 20 Km de Bugesera- AMAFOTO

Nizeyimana Alex ni we ufite 20 Km de Bugesera 2017 akoresheje isaha imwe n’amasegonda 33 (1h00’33”)

Rwabuhihi avuga ko mu bijyanye na tekinike nta kibazo gisigaye kuko ngo byose byamaze kurangira ku buryo yizeye ko irushanwa rizagenda neza nta zindi mbogamizi zibayeho mu irushanwa. Byari mu kiganiro n’abanyamakuru cyarimo gahunda yo kwakira sosiyete ya Ethiopian Airlines itwara abantu n’ibintu hakoreshejwe indege, sosiyete izatanga igihembo nyamukuru cy’umukinnyi uzatwara 20 Km de Bugesera 2018. Aha, uyu mukinnyi azahembwa ariko anahabwe itike y’indege yo kuzajya i Dubai akararayo.

Roshan wari uhagarariye Ethiopian Airlines yavuze ko begerewe na Gasore Serge Foundation bakababwira ibikorwa byabo bijyanye na siporo baza gusanga birafatika bityo bemera gutera inkunga 20 Km de Bugesera. Roshan yagize ati:

Twebwe nka Ethiopian Airlines twaganiriye na Gasore Serge Foundation batubwira uko bakora ibintu byabo banatwereka imyaka yabanje uko byagiye bikorwa, dusanga birasobanutse. Gusa twaje kugira ikibazo tubabaza impamvu bakora iri rushanwa mu karere ka Bugesera gusa. Nyuma twaje guhita tumenya ko aka karere kagiye kurushaho kuba mpuzamahanga kuko hagiye kubakwa ikibuga cy’indege.

Muri iki gikorwa cyabereye muri La Palisse Hotel i Nyamata (Golden Tulip), Sebatware Magelan umuyobozi ushinzwe imibereho myiza y’abaturage mu karere ka Bugesera yavuze ko 20 Km de Bugesera ifite akamaro kanini kuko haba hateraniye urubyiruko biba byoroshye ko hatangirwa ubutumwa bukagera kure, kandi ko bituma abavuye imihanda yose bamenya aho Akarere ka Bugesera kageze kiyubaka.

Sebatware Magelan umuyobozi ushinzwe imibereho myiza y'abaturage mu karere ka Bugesera

Sebatware Magelan umuyobozi ushinzwe imibereho myiza y'abaturage mu karere ka Bugesera 

Gasore Serge nyiri ikigo Gasore Serge Foundation yavuze ko icyo basaba abaterankunga bajya bitabira ibikorwa bateye inkunga kuko ngo bifasha mu gutuma irushanwa rikomeza gutera imbere abantu bafatanyije.

Gasore Serge washizne akaba anayobora ikigo "Gasore Serge Foundation"

Gasore Serge washinze akaba anayobora ikigo "Gasore Serge Foundation"

Abakinnyi ibihumbi birenga bitatu (3000... Participants) bamaze kwiyandikisha  ni bo bategerejwe mu isiganwa ry’ahareshya na kirometero 20 (20KM) rizabera mu Karere ka Bugesera rizwi ku izina rya “20KM de Bugesera” rizaba tariki ya 17 Kamena 2018 ku nshuro ya gatatu.

Ingimbi n’abangavu bazasiganwa ahareshya na kirometero 8 (8Km) naho abana biruke ahareshya na kirometero eshatu (3KM). Umukinnyi wa mbere mu kwiruka kirometero 20 mu bakuru azahembwa ibihumbi magana abiri na tike y’indege yo kujya i Dubai.

Ikipe yari ivuye muri Ethiopian Airlines

Ikipe yari ivuye muri Ethiopian Airlines

Roshan wavuze ijambo nk'uwari uhagarariye Ethipian Airlines

Roshan wavuze ijambo nk'uwari uhagarariye Ethipian Airlines 

Uwamahoro Innocente ushinzwe guhuza Gasore Serge Foundation n'abakigana yakira abashyitsi anasobanura ibikorwa bikorerwa muri iki kigo

Uwamahoro Innocente ushinzwe guhuza Ikigo Gasore Serge Foundation n'abakigana yakira abashyitsi anasobanura ibikorwa bikorerwa muri iki kigo

Mu kiganiro n'abanyamakuru

Mu kiganiro n'abanyamakuru

Uwase Hirwa Honorine (Miss Igisabo) niwe wari umusangiza w'amagambo (MC)

Uwase Hirwa Honorine (Miss Igisabo) ni we wari umusangiza w'amagambo (MC)

Ifoto y'urwibutso

Ifoto y'urwibutso

PHOTOS: Saddam MIHIGO (Inyarwanda.com)





Umwanditsi

Mihigo Saddam

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS