RFL
Kigali

VOLLEYBALL: Gisagara VC yatwaye irushanwa ryo kwibuka

Yanditswe na: Mihigo Saddam
Taliki:11/06/2018 10:15
0


Irushanwa ryo kwibuka ku nshuro ya 24 Abazize Jenoside yakorewe Abatutsi mu Rwanda mu 1994 by’umwihariko mu muryango w’umukino wa Volleyball, ryarangiye ritwawe na Gisagara VC itsinze mucyeba wayo REG VC amaseti 3-0 ku mukino wa nyuma wabaye kuri iki Cyumweru tariki ya 10 Kamena 2018.



Gisagara VC ni yo yatangiye igaragaza ko iri mu mukino kuko yatsinze seti ya mbere n’amanota 25-23 ikurikizaho iya kabiri n’amanota 25-19. Aha byasaga n’aho igikombe cyamaze kwambuka kigana mu Majyepfo y’u Rwanda n'ubwo seti ya gatatu yajemo kugorana kuko yarangiye Gisagara VC ifite amanota 27 kuri 25 ya REG VC.

Gisagara VC bishimira igikombe cy'uyu mwaka

Gisagara VC bishimira igikombe cy'uyu mwaka

REG VC yatahanye umwanya wa kabiri

REG VC yatahanye umwanya wa kabiri

UTB VC yabaye iya gatatu itsinze APR VC

UTB VC yabaye iya gatatu itsinze APR VC

Gisagara VC yatwaye iki gikombe nyuma y’uko n’ubundi muri iyi gahunda y’iminsi ijana yo kwibuka, kuwa Gatandatu tariki ya 9 Kamena 2018 mu Karere ka Gisagara hari habaye igikorwa cyo kwimura imibiri y’Abatutsi bazize Jenoside mu 1994. Muri iki gikorwa, himuwe imibiri ingana n’ibihumbi 43 (43.000) yavanwe aho yari iri ijyanwa mu rwibutso rwa Jenoside ruri mu Karere ka Gisagara.

Gisagara VC yageze ku mukino wa nyuma isezereye APR VC mu mikino ya ½ cy’irangiza ubwo yayitsindaga amaseti 3-0 (25-17,25-18 na 25-15) mu gihe REG VC yageze ku mukino wa nyuma isezereye UTB VC iyitsinze amaseti 3-0 (25-19,25-18 na 26-24) mu mikino ya ½. Gusa UTB VC ntabwo yaje kuviramo aho kuko yisasiye APR VC mu mukino wo guhatanira umwanya wa gatatu iyitsinda amaseti 3-0.

APR VC yari mu itsinda rya mbere (A) kumwe na Kirehe VC (Rwanda) na Nemo Stars (Uganda),  REG VC (Rwanda) yari mu itsinda rya kabiri (B) ryarimo amakipe nka IPRC East (Rwanda)  na  Faru VC (Tanzania). Gisagara VC (Rwanda) yatwaye igikombe yari mu itsinda rya gatatu © kumwe na Sky (Uganda), Espoir VC (RDC) naho UTB ikaba yari mu itsinda rya kane (D) n’amakipe nka KAVC (Uganda) na  KVC (Rwanda)

Uko amakipe yakurikiranye:

1.Gisagara VC (Rwanda)

2.REG VC (Rwanda)

3.UTB (Rwanda)

4.APR VC (Rwanda)

Mu cyiciro cy’abali n’abategarugoli, Nkumba University yo muri Uganda yegukanye igikombe itsinze KCB yo muri Kenya amaseti 3-1 (23-25,25-15,25-22 na 25-19). Nkumba yageze ku mukino wa nyuma itsinze RRA VC amaseti 3-2 (19-25, 29-27,29-27,22-25 na 15-10) naho KCB isezerera APR VC iyitsinze amaseti 3-0 ( 25-23,25-18 na 25-12). Umwanya wa 3 wegukanywe na RRA VC itsinze APR VC amaseti 3-1.

Mu bagore hari hitabiriye amakipe 9 yari mu matsinda 2. Itsinda rya mbere (A) ryarimo, APR VC (Rwanda), KAVC,  Espoir VC na Nkumba (Uganda) naho irya kabiri (B) ririmo;  RRA VC (Rwanda), IPRC Kigali (Rwanda), KCB (Kenya), Ruhango na KVC (Rwanada). Irushanwa ryo kwibuka umwaka ushize wa 2017 ryari ryegukanwe n’ikipe ya APR VC mu bagabo no mu bagore kuko hose bahafite ikipe.

Uko amakipe yakurikiranye

1.Nkumba University (Uganda

2.KCB (Kenya)

3.RRA VC (Rwanda)

4.APR VC (Rwanda)

Ikipe ya mbere mu bagabo n'abagore yahawe igikombe na miliyoni imwe y’amafaranga y’u Rwanda (1.000.000 FRW), iya kabiri ihabwa ibihumbi 600 by’amafaranga y’u Rwanda (600.000 FRW) naho iya gatatu ihabwa ibihumbi 400 by’amafaranga y’u Rwanda (400.0000 FRW). Irushanwa ryo kwibuka umwaka ushize wa 2017 ryari ryegukanywe n’ikipe ya APR VC mu bagabo no mu bagore.

Mu guhemba abakinnyi ku giti cyabo (Individual Awards), Mukunzi Christophe (Gisagara VC) akaba na kapiteni w’ikipe y’igihugu yahembwe nk’umukinnyi warushije abandi kwakira imipira (Best Receptionist), Vincent Dusabimana bita Gasongo kapiteni wa Gisagara VC ahembwa nk’uwarushije abandi bakina hagati, Ivan Ongom wa Gisagara VC aba umukinnyi w’irushanwa (MVP).

Dore uko ibihembo (Individual Awards) byatanzwe:

Mu bagore

Best server: Charlotte Nzayisenga (RRA)

Best receiver: Benitha (APR)

Best Setter: Doreen (Nkumba)

Best Libero: Flavia (Nkumba)

Best Bloquer: Diane (KCB)

MVP: Agawa (Nkumba)

Abagabo

Best Sever: Aimable Mutuyimana (REG VC)

Best Receiver: Mukunzi Christophe (Gisagara)

Best Setter: Ndayisaba (REG)

Best Attaquer: Akumuntu Kavalo  Patrick(UTB)

Best Broquer: Dusabimana Gasongo Vicent (Gisagara)

Best Libero: Bosco (APR)

MVP: Ongoni Yvan (Gisagara)

Abakinnyi bahembwe ku giti cyabo

Abakinnyi bahembwe ku giti cyabo

Nkumba University (Uganda) niyo yatwaye igikombe mu bagore

Nkumba University (Uganda) niyo yatwaye igikombe mu bagore

Nkumba University (Uganda) ni yo yatwaye igikombe mu bagore

Muri rusange abantu bari bitabiriye

Muri rusange abantu bari bitabiriye 

RRA WVC yatahanye umwanya wa kabiri mu bagore

RRA WVC yatahanye umwanya wa kabiri mu bagore

Ryari irushanwa mpuzamahanga ryabaye iminsi ibiri

Ryari irushanwa mpuzamahanga ryabaye iminsi ibiri 

PHOTOS: Rwanda Volleyball Federation (FRVB)






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND