Kigali

Amakipe y'ibigugu akomeje gusesekara mu Burusiya yitabira igikombe cy'Isi cya 2018

Yanditswe na: Niyonkuru Eric
Taliki:8/06/2018 17:06
0 0 0 0 0 Loading... 0

Iminsi irabarirwa ku ntoki ngo isi yose yerekeze amaso mu Burusiya mu mikino y'igikombe cy'isi aho amakipe y'ibigugu 32 ahatanira igikombe cy'isi mu mupira w'amaguru.



BAGERA MU Burusiya

Ikipe ya Irani ni yo yabimburiye izindi zose kugera mu Burusiya

Tariki ya 5 Kamena 2018 ku kibuga cy'indege i Moscow's Vnukovo ikipe y'igihugu cya Iran yabimburiye izindi gusesekara mu Burusiya. Umutoza mukuru w'ikipe y'igihugu cya Iran, Carlos Queiroz mu kiganiro kigufi yahaye abanyamakuru yatangaje ko bishimiye kuba muri iri rushanywa ibintu bagezeho baciye mu kazi katoroshye. Yagize ati:

Turi hano ku bw'umupira w'amaguru turi imwe mu makipe iri mu itsinda rikomeye ririmo n'ikipe ya Spain gusa ikintu cy'ingirakamaro tuzitaho ni uguharanira ishema n'ibyishimo ku bazaba bakurikiranye igikombe cy'isi.

Umutoza wa Iran yashimiye u Burusiya uko buri gutegura igikombe cy'Isi. Yagize ati:

Ndashimira u Burusiya n'abaturage b'u Burusiya kuba baraduteguriye iki gikombe cy'Isi natwe tugiye kugerageza gukora ibishoboka byose iki gikombe cyisi kizabe cyiza.

Umutoza wa Iran

IRAN

Ikipe ya Iran iri kumwe na Spain, Portugal na Morrocco mu itsinda rya 2 (Group B), tariki ya 7 Kamena ikipe y'igihugu cya Spain na Panama bageze nabo mu Burusiya.

Spain

Ikipe ya Spain yanatwaye igikombe cy'Isi cya 2010 yageze ku kibuga cy'indege mu mujyi wa Krasnodar, iyi kipe nayo izakina mu itsinda rya 2 tariki ya 15 Kanama ifite umukino w'ishiraniro na Portugal isaa mbiri zuzuye mu mujyi wa Sochi, izahura na Iran tariki 20 Kamena mu mujyi wa Kazan na Morocco tariki 25 Kamena mu mujyi wa Kaliningrad.

Panama nayo ni imwe mu makipe yageze mu Burusiya ikaba ibarizwa mu itsinda rya 7 (Group G) izahura na Belgium tariki ya 18 Kamena, England tariki ya 24 Kamena na Tunisia tariki ya 28 mu mujyi wa Saransk.

U Burusiya bwahisemo iyi mijyi ko ari yo izakira imikino y'iki gikombe cy'Isi cya 2018 ariyo i Moscow, St. Petersburg, Sochi, Kazan, Saransk, Kaliningrad, Volgograd, Rostov-on-Don, Nizhny Novgorod, Yekaterinburg na Samara. Igikombe cy'Isi kizatangira kuwa 4 tariki ya 14 Kamena 2018 ahazaba umukino umwe uzahuza Russia na Saudi Arabia.

Src: RFERL (Radio Free Europa Radio Liberty)






Umwanditsi

Niyonkuru Eric

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS