Avengers: Infinity War ni filime icuruzwa na Buena Vista, yakozwe na Marvels. Muri iyi weekend iyi filime yaciye agahigo ko kuba filime ya 5 mu mateka ya sinema yacurujwe cyane igisohoka. Iyi filime kandi ubu niyo iri ku isonga muri filime zo mu bwoko bwa superhero zacurujwe cyane ku rwego mpuzamahanga.
Iyi filime muri iyi weekend yinjije $61,817,000, kuva yasohoka kugeza ubu imaze kwinjiza $1,606,829,103. Yasohotse ku itariki 27/04/2018, kuva yasohoka niyo icuruza kurusha izindi kugeza ubu, dore ko imaze weekend 3 zose iyoboye.
2. Life of the Party
Ni filime icuruzwa na Warner Bros (New Line), yasohotse kuri uyu wa 5 tariki 11/05/2018, ni filime isekeje (comedy). Muri iyi weekend yinjije $18,500,000 muri Amerika gusa, ku isi hose yinjije $21,400,000, ayo byatwaye ngo ikorwe ntiyigeze atangazwa.
3. Breaking In (2018)
Nayo yasohotse kuri uyu wa 5 tarik i11/05/2018, yacuruje $16,500,000 muri Amerika gusa, icuruzwa na Universal. Gukora iyi filime byatwaye miliyoni 6 z’amadolari, kugeza ubu ikaba imaze kwinjiza $17,500,000 ku isi hose.
4. Overboard (2018)
Iyi filime ubushize yari ku mwanya wa 2, yasohotse ku itariki 04/05/2018. Icuruzwa na Pantelion, muri iyi weekend yinjije $10,100,000. Ayo byatwaye ngo itunganywe ntiyigeze atangazwa gusa kugeza ubu icuruzwa muri Amerika gusa ikaba imaze kwinjiza $29,593,977.
5. A Quiet Place
Ni filime iteye ubwoba, yasohotse ku itariki 06/04/2018, muri iyi weekend yinjije $6,400,000. Icuruzwa na Paramount, kuyikora byatwaye miliyoni 17 z’amadolari ariko kugeza ubu yinjije $269,952,634. Ubushize iyi filime niyo yari ku mwanya wa 3.
6. I Feel Pretty
Ubushize yari ku mwanya wa 4, muri iyi weekend yinjije $3,710,000 ikaba icuruzwa na STX Entertainment. Yasohotse ku itariki 20/04/2018, icuruzwa muri Amerika gusa aho imaze gucuruza $43,856,576. Kuyikora byatwaye miliyoni 32.
7. Rampage (2018)
Niyo iri ku mwanya wa 6 mu zacurujwe cyane muri iyi weekend, yinjije $3,380,000. Yasohotse ku itariki 13/04/2018, icuruzwa na Warner Bros (New Line), kuva yasohotse kugeza ubu yinjije $397,144,663, kuyikora byari byatwaye miliyoni 120 z’amadolari. Ubushize yari ku mwanya wa 5.
8. Tully (2018)
Muri weekend yashize yari ku mwanya wa 6, ubu yinjije $2,240,000 ikaba icuruzwa na Focus Features. Iyi filime yasohotse ku itariki 04/05/2018, ayo byatwaye ngo ikorwe ntiyigeze atangazwa ariko imaze kwinjiza $7,180,060.
9. Black Panther
Icuruzwa na Buena Vista, muri iyi weekend yinjije $1,932,000, ayakoreshejwe mu kuyitunganya ntiyigeze atangazwa, ikaba imaze kwinjiza $1,341,379,495. Black Panther yasohotse tariki 16/02/2018. Ubushize yari ku mwanya wa 7.
10. RBG
Ni filime mbarankuru icuruzwa na Magnolia, yasohotse ku itariki 04/05/2018, muri iyi weekend yinjije $1,165,000. Ubushize yari ku mwanya wa 15, ayo byatwaye ngo itunganye ntiyatangajwe ariko yinjije $2,002,767 kuva yasohoka, icuruzwa muri Amerika gusa.
TANGA IGITECYEREZO