iTel
Kigali

Dj Adamz wari umaze igihe muri Kenya yamaze kugaruka mu Rwanda

Yanditswe na: Emmy Nsengiyumva
Taliki:16/04/2018 13:50
5

Dj Adamz ni izina ryamamaye mu gihe cyashize ubwo yari umunyamakuru wa City Radio akaba yaramamaye akangurira abahanzi ba hano mu Rwanda gukora umuziki wa Live ndetse no gukora ibihangano bifite umwimerere. Uyu munyamakuru wari umaze igihe adakorera mu Rwanda cyane ko yari ari muri Kenya kuri ubu yamaze kugaruka mu Rwanda.



Ubwo yavaga mu Rwanda mu gihe cyatambutse Dj Adamz yabwiye umunyamakuru wa Inyarwanda.com ko icyatumye ahagarika akazi mu Rwanda ari uko nta mafaranga yinjizaga mu itangazamakuru. Uyu mugabo yaje kujya muri Kenya aho yatangarije Inyarwanda.com ko akora kuri imwe mu maradiyo yari akizamuka muri iki gihugu cy’Abaturanyi yitwa Maisha Fm.

Nyuma y’igihe gito uyu munyamakuru yamaze kugaruka mu Rwanda aho yatangaje ko agomba gutangira ibiganiro tariki 30 Mata 2018 aho yamaze kumvikana n’ubuyobozi bwa Hot Fm radiyo yumvikana hano imbere mu gihugu. Abajijwe nibayaramaze kumvikana n’iyi Radiyo Dj Adamz yabwiye Inyarwanda.com ko bamaze kumvikana ndetse hasigaye gutangira ibiganiro.

Ikiganiro na Dj Adamz kuri ubu wabonye radiyo akorera muri Kenya. Ese muzika nyarwanda ihagaze gute hariya?DJ Adamz

Uyu mugabo yatangaje ko atavuye muri Kenya kubera ikindi ahubwo yatangaje ko ari impamvu ze bwite zifite aho zihuriye n’umuryango we zatumye agaruka mu Rwanda yongeraho ko ibijyanye n’amafaranga byatumye ava mu Rwanda kuri ubu ntakibazo abifiteho cyane ko hari uko yabikemuye ku giti cye na Radiyo nshya agiye gukorera bityo ngo iki kibazo ntacyo azongera guhura nacyo.

Abajijwe ibiganiro azaba akora kuri iyi radiyo Dj Adamz yabwiye Inyarwanda.com ko azaba akora ikiganiro cya Overdrive Show, iki kikaba ikiganiro nubusanzwe yakoraga. Uretse iki kiganiro ariko nanone Dj Adamz avuga ko bitewe n'uko azaba abona ibihe ashaka kongera kubyutsa ikiganiro cye The Red Hot Friday Night cyari cyaramamaye ataragenda.






Umwanditsi

Emmy Nsengiyumva

-

Sura Umwanditsi Nyandikira

IBITECYEREZO

  • Murekumbanze Jean Paul10 months ago
    Nishimiye ukugaruka kwa Dj Adamz
  • Kbsa10 months ago
    Jinga Sana
  • Hell ye10 months ago
    Adams garuka nukuri kw'Imana..narinsigaye ndyama saa moya nk'inkoko nabuze ibyo numva,abafana bawe wari warabatereranye!
  • shark10 months ago
    welcome back musaza warabikoze kandi bigaragarira buriwese ko hari icyahinduste mumuziki munyarwanda. nubwo biba bitoroshye guhindura amateka " there's always a resist to change" ntituzatekereze kukwibuka watabaruste muguhindunra umuziki munyarwanda tubitangire ubu kugufata nk'intwari. big up msaza.
  • MANZI peter10 months ago
    Welcome musaza murwakubyaye nibyo kwishimirwa kuza kuzamura umuziki nyarwanda kd twizera tudashidikanya ko hari uburyo bigiye kuba bishya kuruta ahashize

Inyarwanda BACKGROUND

Copyright © 2008-2019 Inyarwanda Ltd
RSS