WDA (Workforce Development Authority) ni ikigo gifasha mu myigishirize mu gutanga ubumenyi ngiro no kurushaho gushyigikira ireme ry’imyigishirize. Nk’uko bigaragara ku rubuga rwa wda.gov.rw hari impamyabumenyi zitandukanye zitangwa bitewe n’amasomo yakurikiwe.
Ese WDA ni Ikigo cy’Uburezi?
Oya, WDA ni ikigo gitanga ibisubizo ku iterambere n’ubumenyi birambye bifasha u Rwanda guhangana n’ibibazo by’ibura ry’ubumenyingiro bikanabafasha guhangana no gutsinda ku isoko ry’umurimo.
Ubwoko bw’impamyabumenyi zitangwa ku mashuri ya TVET
TVET Technical and Vocational Education Training): Muri VTC (Vocational Training Center) hatangwa seritifika mu byiciro bitatu bitandukanye. Hari izitwa TVET Certificate I, TVET Basic Vocational Skills Level na TVET Foundation Level. Izi zose mu kuzitanga biterwa n’ingano y’igihe umunyeshuri yize, ubwoko bw’amasomo yafashe cyangwa amahugurwa yakurikiranye.
Ubwoko bw’impamyabumenyi zitangwa ku mashuri yisumbuye ya Tekinike
Uwize mu mashuri ya Tekinike arangije amashuri makuru ahabwa Certificate III TVET, hari abahabwa Certificate II TVET, hari Certificate I TVET, Basic Vocational Skills Level TVET na Foundation Level byose bitangwa hagendewe ku gihe amasomo yatanzwemo, urwego yatangiwemo ndetse n’ikigero cy’ubumenyi bwatanzwe.
Ubwoko bw’impamyabumenyi zitangwa n’amashuri ya kaminuza azwi nka za Politekinike (Politechnic Level Generic Qualification Title)
Muri politekinike hashobora gutangirwa impamyabumenyi zose zavuzwe haruguru hakiyongeraho diporome isanzwe n’indi yagereranwa n’iy’ikirenga itangwa nyuma yo kurangiza amasomo yose ya tekinike izwi nka Advanced Diploma.
IPRC (Integrated Polytechnic Regional Center) Ni iki?
Ni ihuriro rikuru ritanga ubumenyi ngiro n’amahugurwa muri gahunda yo kuzamura ireme shingiro ry’ubumenyi ngiro butangwa mu nzego zose, kuva muri gahunda z’amahugurwa, iz’amashuri makuru ndetse n’amashuri y’imyuga atandukanye atanga ubwo bumenyi ngiro bakanabitangira impamyabushobozi.
Eng
RSS 
TANGA IGITECYEREZO