iTel
Kigali

MU MAFOTO 100: Women Foundation yahurije hamwe ama 'Couples' y'abakristo bizihiza St Valentin mu birori bibereye ijisho

Yanditswe na: Mupende Gedeon Ndayishimiye
Taliki:15/02/2018 10:36
3

Ku munsi wahariwe abakundana uzwi nka Saint Valentine's Day wizihijwe kuri uyu wa 14/02/2018, Women Foundation Ministries iyoborwa na Apostle Mignonne Kabera yakoze ibirori 'Couples' dinner' byitabiriwe n'abakundana.



Ibi birori 'Couples' dinner' byabereye muri Kigali Serena Hotel byitabirwa n'ama 'Couples' agera kuri 200. Saa kumi n'ibyiri z'umugoroba ni bwo ibirori byatangiye, bisozwa hafi isaa tanu z'ijoro. Bishop Allan n'umufasha we Rev Kathy Kiuna bayoboye Jubilee Christian Church bitabiriye ibi birori ndetse batanga ubuhamya bw'urukundo rwabo banavuga uko urukundo rwabo rwashoye imizi biturutse mu kwizerana no kubaha Imana.

'Couples' dinner' yitabiriwe n'abakundaba bakiri bato ndetse n'abakuze dore ko hari n'ama couples y'abamaze imyaka hejuru ya 40 babana nk'umugabo n'umugore. Abitabiriye ibi birori bari bagize isabukuru y'urushako, bahawe umwanya batanga impano. Abamaze imyaka hejuru ya 40 bakoze ubukwe, bakase umutsima bishimira imyaka yose bamaze mu rushako. Banatanze impano y'indabo nk'ikimenyetso cy'urukundo.

N'abarambanye cyane mu rushako bitabiriye ibi birori

Ku bijyanye n'ibanga bakoresheje kugira ngo babashe kurambana, abamaze imyaka hejuru ya 40 mu rushako bavuze ko Imana ari yo yabashoboje ukongeraho no kwihangana hagati yabo utibagiwe no kwizerana. Abamaze iminsi micye bateye ivi, nabo bahawe umwanya batanga impano ku bakunzi babo.

Apostle Mignonne Alice Kabera wari uyoboye ibi birori yashimiye umutware we Eric Kabera wamushyigikiye bikomeye mu murimo w'Imana. Yamushimiye mu ruhame kuba yaramwereye agakorera Imana mu mbaraga ze zose agatangiza Women Foundation Ministries na Noble Family church. Apostle Mignonne Kabera yahise aha umutware we Eric Kabera impano y'ururabo.

Apostle Mignonne n'umutware we bahanye impano

 

Eric Kabera uri mu bitabiriye ibi birori by'abakundana 'Couples' dinner', nawe yashimiye cyane umufasha we Apostle Mignonne kubwo umutima afite wo gukorera Imana. Yahise amuha impano y'ubuhanuzi bw'uko Imana igiye kumufungurira imigisha y'amafaranga yose akeneye. Nyuma yo gushima Imana, kumva ubuhamya no gutanga impano, hakurikiyeho gusabana no gusangira amafunguro.

REBA AMAFOTO Y'UKO BYARI BIMEZE MURI 'COUPLES DINNER'

Hari hateguwe bijyanye n'umunsi w'abakundana,..umutuku n'umukara byari byiganje muri salle

Aba bakobwa bari mu bakiraga abantu

Babanje kuramya Imana

Iyo umuntu yishimye uramureba ukamubona,...inseko

Bacuranze umuziki w'umwimerere

Eric Kabera umutware wa Apostle Mignonne nawe yitabiriye ibi birori


Abazanye ari Couple babaga bicaranye

Apostle Mignonne asuhuza abari muri ibi birori

Yishimiye guhabwa impano n'umukunzi we kuri St Valentin

Bararebana akana mu jisho

Yasazwe n'ibyishimo nyuma yo guhabwa impano

Umuraperi Regis Hat hamwe na Samantha ni bamwe mu bakiraga abantu

Utashye utifotoje ifoto y'urwibutso kuri St Valentin waba uhombye bikomeye

Amafunguro yari yateguwe

Bishop Allan hamwe n'umufasha we Rev Kathy Kiuna

Apostle Mignonne niwe wari uyoboye ibi birori

Burya iyo ukunda umuntu no mu ruhame urabigaragaza

Umuryango wa Eric Kabera wahaye impano umuryango wa Bishop Allan

Apostle Mignonne yahaye impano umugabo we

Abari bafite isabukuru y'urushako rwabo bakorewe ibirori

Bishop Allan n'umufasha we batanze ubuhamya banigisha ijambo ry'Imana

Nawe urabyumva wasohokanye n'uwawe mukundana, ibyishimo biba ari byose

Bishop Allan n'umufasha we bahesheje benshi umugisha

Apostle Mignonne hamwe n'umutware we mu gihe cyo gutanga impano

Apostle Mignonne ubwo yahabwaga impano n'umutware we

Bahoberanye biratinda,...

Pastor Barakagira Pascal wo muri ADEPR yari yasohokanye n'umufasha we

AMAFOTO: Sabin Abayo-Afrifame Pictures






Umwanditsi

Mupende Gedeon Ndayishimiye

-

Sura Umwanditsi Nyandikira

IBITECYEREZO

  • Roger wuRwanda1 year ago
    ariko ko mperuka abiyita abarokore batemera ibyo kwiyambza abatagatifu aba bo st valantin bayizihije bayizi, n'ikigare cg baba batujijisha?? rero nge mbona ubwinshi bwamadini atagize icyo atandukaniyeho ataribyo numva yajya yihuza nibyo byayaha ingufu na Leta yashaka kubasoresha bikayorohera
  • 11 months ago
    @Roger, ibyo nsigaye mbona birancanga! Hasigaye hariho amadini agamije kwishimisha, ubu se nk'ubu ibi urabona ari ibiki! Ngo Saint Valentin!!!! Narumiwe!!!
  • johnd11 months ago
    Ni abanyamafr bashakaga kwiryohereza gusa!! Nibo bari bakwiye gushima Imana kuko ndabona yarabahaye. Ubundi abakene ntibanamenya ko iyi minsi ibaho

Inyarwanda BACKGROUND

Copyright © 2008-2019 Inyarwanda Ltd
RSS