Pastor Wilson Bugembe umwe mu bahanzi bakomeye muri Uganda mu muziki wa Gospel, yatangaje ko St Valentin y'uyu mwaka wa 2018 yamubihiye cyane, ahita atangaza ko iy'ubutaha izaba iryoshye cyane.
Akoresheje Instagram umuhanzi akaba na Pasitori, Wilson Bugembe yavuze ko umwaka utaha yifuza kwizihiza St Valentin ari kumwe n'undi muntu iruhande rwe. Ni isengesho yisengeye ubwe aho yingingaga Imana kuzamushoboza akagera kuri uwo muhigo yihaye. Yagize ati: "Mana ndisengeye njye ubwanjye, St Valentin y'umwaka utaha, sinzabe nicaye kuri iyi ntebe ndi njyenyine."
Pastor Wilson Bugembe yasoje yifuriza abantu bose kuryoherwa na St Valentin, abasangiza n'icyanditswe kiri muri Yohana 3:16 hagira hati "Kuko Imana yakunze abari mu isi cyane, byatumye itanga Umwana wayo w’ikinege kugira ngo umwizera wese atarimbuka, ahubwo ahabwe ubugingo buhoraho."
Usesenguye ibyo Pastor Wilson Bugembe yavuze, yumvikanishaga ko umwaka utaha (2019) igihe nk'iki ni ukuvuga ku munsi wahariwe abakundana (St Valentin), yifuza kuzaba ari kumwe n'umugore we cyangwa se umukunzi we dore ko muri iyi minsi iyo umubajije ku bijyanye n'umukunzi n'igihe azarushinga, akubwira ko agitegereje isaha y'Imana.
Pastor Wilson Bugembe ni umwe bahanzi bakunzwe cyane muri Uganda
Pastor Bugembe akunze kwiyegereza cyane abahanzi b'ibyamamare muri Uganda
Eng
RSS 
TANGA IGITECYEREZO