iTel
Kigali

Areruya Joseph yatwaye agace ka kane muri La Tropicale Amisa Bongo 2018

Yanditswe na: Mihigo Saddam
Taliki:18/01/2018 20:44
0

Areruya Joseph umunyarwanda w’imyaka 22 ubitse Tour du Rwanda 2017 yatwaye agace ka kane ka La Tropicale Amisa Bongo 2018 irushanwa mpuzamahanga riri ku rwego rwa 2.1. Areruya yakoresheje amasaha 4h25m10s ku ntera ya Km 182.



Abasiganwa bavaga mu gace ka Ndjole bagana Mitzic urugendo rwari rufite intera ya Kilometero 182 (182 Km). Areruya Josephe byamutwaye amasaha ane, iminota 25 n’amasegonda icumi (4h25m10s).

Ibi byatumye yambara umwenda w’umukinnyi watwaye agace ka Kane (Vainqueur de l’Etape) bituma anambara umwenda w’umuhondo nk’umukinnyi uyoboye abandi magingo aya (Yellow Jersey).

Icyafashije Areruya kuba kuri ubu agomba gutangira urugendo rw’agace ka kane yambaye umwenda w’umuhondo nuko mu duce twatambutse (3) yagiye aza mu myanya ituma akomeza kunganya ibihe n’uwabaga yatwaye agace.

Nyuma yo kwambara umwenda w’umuhondo, Areruya Joseph yavuze ko ari ubwa mbere mu mateka ye yakoze urugendo rurerure akarangiza ari uwa mbere. Areruya yagize ati:

Ni ubwa mbere mu mateka yanjye nakoze urugendo rurerure nkarangiza ndi imbere. Nakoze cyane ariko nari nkurikiwe n’abandi bakinnyi batatu ntibuka amakipe bakinira. Nagerageje kubara nza ibihe byanjye nk’uko nabonaga isiganwa riteye, gusa ubu ndi kurebana n’isiganwa kurusha ibindi byose. Muri aka gace numvaga mfite imbaraga nyinshi.

Mu 2014 ni bwo undi munyarwanda yakoze amateka nk’aya ubwo Uwizeyimana Bonaventure yatwaraga agace ka gatandatu (6) muri La Tropicale Amisa Bongo yatwawe na Natnael Berhane (Eritrea).

Muri aka gace, Areruya Joseph yaje anganya ibihe na Koshevoy Ilia ukinira Wilier Triestina Selle (Italy) waje ku mwanya wa kabiri.

Undi munyarwanda uri gukora akazi gakomeye muri iri rushanwa ni Uwizeyimana Bonaventure waje ku mwanya wa 16, Munyaneza Didier 21, Ruberwa Jean Damascene 29, Ukiniwabo Rene Jean Paul 36, Ndayisenga Valens 41.

Areruya Joseph 'Kimasa' ni umwe mu bakomeye berekanywe bitezwe muri iri rushanwa

Areruya Joseph i Mitzic yambikwa umwenda w'umuhondo

Kuri uyu wa Kane tariki 19 Mutarama 2018, bazava i Oyem muri Cameroon bagana i Ambam ku ntera ya Km 141.4. Kuwa Gatanu tariki20 Mutarama 2018 abasiganwa bazahaguruka i Bitam bagana i Oyem ku ntera ya Km 107 mbere yuko bazaba basoza kuwa Gatandatu tariki 21 Mutarama 2018 bava i Bikélé bagana mu murwa mukuru i Libreville ahazabera ibirori byo gusoza ku ntera ya Km 139.5.

Dore abakinnyi 20 mu gac ka Ndjolé-Mitzic:

1. ARERUYA Joseph -Rwanda        

2. KOSHEVOY Ilia-Wilier Triestina - Selle Italia         

3.HOLLER Nikodemus-Bike Aid     

4.GAUDIN Damien-Direct Energie          

5.MRAOUNI Salah Eddine - TeamMorocco    

6.NOCENTINI Rinaldo-Sporting Clube de Portugal/Tavira                    

7.JONES Brenton-Delko Marseille Provence KTM             

8.PACIONI Luca-Wilier Triestina - Selle Italia           

9.MULUBRHAN Henok -TeamEritrea                         

10.OKUBAMARIAM Tesfom-TeamEritrea                           

11.REGUIGUI Youce-Sovac - Natura4Ever                          

12.KIPKEMBOI Salim- Bike Aid                         

13. HAILU Hailemelekot- Team Ethiopia                            

14.BURU Temesge-TeamEthiopia                    

15.CARSTENSEN Lucas-Bike Aid                       

16.UWIZEYIMANA Bonaventure-Team Rwanda                

17.NAULEAU Bryan-Team Direct Energie                 

18.ABRAHAM Meron-Bike Aid                         

19.MADRAZO Ángel-Delko Marseille Provence KTM                           

20.TEKOU Damien- TeamCameroun

Ikipe y’u Rwanda (Team Rwanda 2018) iri guhatana muri La Tropicale Amisa Bongo igizwe na Ndayisenga Valens, Uwizeyimana Bonaventure, Areruya Joseph, Ukiniwabo Rene Jean Paul, Ruberwa Jean Damascene na Munyaneza Didier.

Mbere yo gutangira isiganwa ry'agace ka kane (Etape 4)

Mbere yuko bahaguuruka Ndjole

Dore abatwaye La Tropicale Amisa Bongo kuva mu 2006:

2006 : Jussi Veikkanen (Finland)
2007 : Frédéric Guesdon (France)
2008 : Lilian Jégou (France)
2009 : Mathieu Ladagnous (France)
2010 : Anthony Charteau (France)
2011 : Anthony Charteau (France)
2012 : Anthony Charteau (France)
2013 : Yohann Gène (France)
2014 : Natnael Berhane (Eritrea)
2015 : Rafaâ Chtioui (Tunisia)
2016 : Adrien Petit (France)
2017 : Yohann Gène (France)
Ruberwa Jean yakunze kujya agerageza kubacika bakamugarura, cyangwa hagira ugerageza na we akihuta akamugarura
Ruberwa Jean Damascene undi munyarwanda uri kwitwara neza muri La Tropicale Amisa Bongo





Umwanditsi

Mihigo Saddam

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS