iTel
Kigali

Sobanukirwa byinshi ku mikorere y’urwungano ngogozi, umumaro warwo n’icyo wakora ngo urufashe gukora neza

Yanditswe na: Kaliza Liliane
Taliki:17/01/2018 14:27
0

Muri make, Urwungano ngogozi ni ikintu umuntu adashobora kubaho atagifite cyangwa se cyangiritse ku buryo bumwe cyangwa ubundi, urwungano ngogozi rero ni rumwe mu bigize umubiri w’umuntu rukaba ari uruhererekane rw’ingingo zitandukanye



Izi ngingo zose rero zirakorana ubundi zigafatanya guhindura ibyo umuntu aba yariye zikawuha imbaraga zo kuwutunga neza bityo umuntu akabasha kubaho atekanye

 Ese iyo tuvuze urwungano ngogozi wumva iki?

Ubusanzwe rugizwe n’ingingo zitandukanye nkuko twabivuze haruguru ari nazo zifatanya gutunganya ibyo umuntu aba yariye bikagwa neza uwabiriye izo ngingo ni: Umunwa, umuhogo, igifu, umwijima, urwagashya n’amara.

Ese ni akahe kamaro k’urwungano ngogozi?

Nkuko abahanga mu by’ubuzima babivuga, ngo urwungano ngogozi ni rwo rufite ubushobozi bwo gufata ibintu umuntu yariye, rukabihinduramo ingufu zikoreshwa n’umubiri ndetse n’ibindi byose umubiri ukenera kugirango ubeho neza.

Kugirango igogorwa rikorwe reo nuko umuntu abanza gushyira ibyo kurya mu kanwa bikagenda mu muyoboro ushinzwe kujyana ibiribwa iby’ingenzi bigasigara noneho ibidafite umumaro bigaca mu rura runini ari narwo rubisohora hanze umuntu akabyituma.

Ni iki wakora ngo ufashe urwungano ngogozi?

Ibyakorwa kugirango urwungano ngogozi rugende neza bityo umubiri na wo ugubwe neza byo ni byinshi ariko reka tuvuge muri make iby’ingenzi byagufasha kugira amasaha adahinduka ufatiraho amafunguro no kuzibukira ibiyobyabwenge ndetse n’ikawa biri  mu bifasha urwungano ngogozi gukora neza.

Kurya ibiribwa bikungahaye ku turemangingondodo(Fibres) kuko bifasha urwungano ngogozi muri byinshi, muri ibyo harimo: Gutandukana n’ikibazo cy’impatwe n’ibindi bibazo biterwa n’imyanda itasohotse. 

Ni byiza ko nibura kuri buri funguro habonekamo ibiribwa bikungahe kuri Fibre. Fibre ushobora kuzisanga mu mbuto n’imboga z’amabara atandukanye, ibishyimbo,ingano n’ibindi.  Gira ubuzima bwiza ufata neza urwungano ngogozi unarufasha gukora neza akazi karwo

Src: www.mayoclinic.org






Umwanditsi

Kaliza Liliane

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS