Ahabanza Imikino

CHAN 2018: Abakinnyi b’Amavubi bahawe nimero bazakoresha mu mikino ya CHAN

Yanditswe na: Mihigo Saddam
Taliki:9/01/2018 12:41 1

Nyuma yo gukina na Namibia bakanganya igitego 1-1 ku Cyumweru bakanakora imyitozo kuri uyu wa Mbere tariki 8 Mutarama 2018, Amavubi berekanye nimero (Shirt-Number) buri mukinnyi azaba akoresha mu mikino ya CHAN 2018 izatangira kuwa 13 Mutarama kugeza kuwa 4 Gashyantare 2018.

Nyuma y’ibi, u Rwanda ruzakina na Algeria kuri uyu wa Gatatu tariki ya 10 Mutarama 2018 ku kibuga cya Stade Olympique d’El Manzeh saa munani n’igice z’i Tunis (14h30’) bizaba ari saa cyenda n’igice ku masaha y’i Kigali (15h30’).

Nk’uko bigaragara ku rubuga rwa FERWAFA, imyitozo yo kuri uyu wa Mbere yaranzwe no kunanura imitsi no kwirambura ku bakinnyi bakinnye na Namibia ndetse no kwimenyereza umupira ku bakinnyi bari basigaye batakoreshejwe cyane muri uyu mukino.

Kuri uyu wa Kabiri tariki ya 9 Mutarama 2018, Amavubi arakomeza imyitozo ku kibuga cya El Mouradi kiri i Sousse (Tunisia) mbere yo kuhava bagana i Tunis aho bagomba kumara ijoro mbere yo gukina na Algeria.

Umukino wa gishuti u Rwanda ruzaba rukina na Algeria uzaba ari umukino wa nyuma w’imyiteguro Antoine Hey John Paul yari afite muri gahunda. Nyuma y’uyu mukino, Amavubi azafata urugendo kuwa Kane bagana i Tangier aho itsinda C rizakinira , umujyi bazageramo baciye mu mujyi wa Cassablanca.

Dore nimero ziaranga abakinnyi b’Amavubi:

1.Ndayishimiye Eric Bakame (C,GK, 1)

2. Nzarora Marcel (GK, 18)

3.Kimenyi Yves (GK, 23)

4.Eric Rutanga 20

5.Manishimwe Djabel 2

6.Iradukunda Eric 14

7.Bizimana Djihad 4

8.Ndayishimiye Celestin 3

9.Nshuti Dominique Savio 11

10.Usengimana Faustin 15

11.Nshimiyimana Imran 5