RFL
Kigali

Kiyovu Sport yafashe umwanya wa mbere , Ruremesha asaba imbabazi abafana ba Etincelles FC yanyagiwe

Yanditswe na: Mihigo Saddam
Taliki:23/12/2017 21:25
1


Ikipe ya Kiyovu Sport yafashe umwanya wa mbere ku rutonde rw’agateganyo rwa shampiyona n’amanota 20 nyuma yo kunyagira Etincelles FC ibitego 3-0 mu mukino w’umunsi wa cumi wa shampiyona waberaga ku kibuga cya Mumena.



Etincelles FC yaje i Kigali ifite icyizere nyuma yo gutsinda Rayon Sports, yatangiye itsindwa igitego ku munota wa 19’ gitsinzwe na Mugheni Kakule Fabrice wahise yuzuza ibitego bine (4) muri shampiyona bituruste kuri koruneri yatewe na Habyarimana Innocent.

Igitego cya kabiri cya Kiyovu Sport cyabonetse ku munota wa 48’ gitsinzwe na Nizeyimana Jean Claude mbere yuko Moustapha Francis areba mu izamu ku munota wa 90’ w’umukino ku mupira yari ahawe na Nizeyimana Djuma awuvanye ku ruhande rw’iburyo.

Nyuma y’umukino, Ruremesha Emmanuel umutoza mukuru wa Etincelles FC yabwiye abanyamakuru ko uburyo abakinnyi bitwaye byamutunguye kuko ngo yaketse ko ari umunaniro bityo ngo kuba batsinzwe yaboneraho gusaba abafana imbabazi.

“Ni ibintu bitoroshye kubisobanura kuko nkurikije uko twari tumeze ku mukino wa Rayon Sports, umukino twakinnye uyu munsi wibazaga niba ari Etincelles bikakuyobera. Wabonaga bameze nk’abantu barushye cyane  kuko twanakoresheje ingufu nyishi ku mukino wa Rayon Sports. Uyu munsi nabwira abakunzi bacu ko nabasaba imbabazi kubera ko iyi ntabwo ari Etincelles bari bizeye”. Ruremesha Emmanuel

Cassa Mbungo Andre we yashimye abakinnyi be babashije kwinjiza abafana mu minsi mikuru kandi ko Abayovu bose abifuriza iminsi mikuru myiza n’umwaka mushya muhire.

“Njyewe ibintu by’umunaniro ntabwo nabitindaho cyane. Iyo tugize ibiruhuko nk’ibi ikibazo ni umwuka abakinnyi bagumana wo kuguma mu kibuga ariko kubategura biba ari byiza, gusa niyo wategura abakinnyi batari bukine, urwego ruramanuka. Urabona ko twagendaga tuzamuka uko umukino wagendaga. Abakinnyi ndabashimira ko bitwaye neza kandi nkabifuriza Noheli n’umwaka mwiza”. Cassa Mbungo

Cassa Mbungo yakinaga uburyo butuma Etincellles FC ihora ku gitutu cyo gusatirirwa, yari yafashe Kalisa Rachid na Mugheni Kakule Fabrice abaha amabwiriza yo gukina basa naho bisunika bajya imbere, Rachid Kalisa yari afashwe na Niyonsenga Hackim Diemme mu gihe Mugheni Kakule Fabrice wabonaga acunzwe cyane na Gikamba Ismael.

Ruremesha yari yakoze impinduka ebyiri gusa mu bakinnyi babanje mu kibuga bakina na Rayon Sports kuko Mbonyigabo Regis yaje muri 11 asimbura Nsengiyumva ILshalde wari warujuje amakarita atatu y'umuhondo.

Muri uyu mukino, Nizeyimana Jean Claude yahawe ikarita y’umuhondo mu gihe ku ruhande rwa Etincelles FC zahawe; Akayezu Jean Bosco, Nahimana Isiaq, Nduwimana Michel na Djumapili Iddy.

Mu gusimbuza, Ruremesha yaje gukuramo Niyonsenga Ibrahim ashyiramo Mugenzi Cedric Ramires, Issac Muganza asimbura Nahimana Isiaq mu gihe Uwase Jean Marie Vianney yasimbuye Nduwimana Michel.

Muri Kiyovu Sport, Habyarimana Innocent yasimbuwe na Moustapha Francis wanatsinze agashinguracumu, Nizeyimana  Jean Claude asimburwa na Vino Ramadhan naho Maombi Jean Pierre asimbura Nizeyimana Djuma wagize ikibazo cy’imvune.

AS Kigali yagiye i Nyamata igwa miswi na Bugesera FC banganya 0-0 bituma Kiyovu Sport banganyaga amanota 17 ihita igira 20 bityo Eric Nshimiyimana n’abahungu be basigarana 18. APR FC iraguma ku mwanya wa gatatu n’amanota 16 mbere yo kwakira FC Musanze kuko Rayon Sports nayo yaguye miswi na Miroplast FC banganya igitegio 1-1 i Gikondo.

Abakinnyi babanje mu kibuga:

SC Kiyovu: Ndoli Jean Claude (GK, 19), Uwihoreye Jean Paul 3, Ahoyikuye Jean Paul 4 , Mbogo Ali 18, Ngirimana Alex 15,  Rachid Kalisa 8, Habamahoro Vincent 13, Mugheni Kakule Fabrice (C, 17),  Hbayarimana Innocent 11 ,  Nizeyimana Djuma 9 na Nizeyimana Jean Claude 14.

Etincelles XI: Nsengimana Dominique (GK, 35) Gikamba Ismael 5, C, Akayezu Jean Bosco Welbeck 18, Nahimana Iddy 11, Kayigamba Jean Paul 22,  Mbonyingabo Regis 7, Jumapili Iddy 3, Tuyisenge Hackim 25, Mumbele Saiba Claude 13, Nduwimana Michel 2 na Niyonsenga Ibrahim 17.

Abakinnyi basuhuzanya

Abakinnyi basuhuzanya

11 ba Kiyovu Sport babanje  mu kibuga

11 ba Kiyovu Sport babanje mu kibuga

11 ba Etincelles FC babanje mu kibuga

11 ba Etincelles FC babanje mu kibuga 

Abakapiteni batombola ibibuga

Abakapiteni batombola ibibuga

Abasifuzi n'abakapiteni

Abasifuzi n'abakapiteni

Abasimbura ba Kiyovu Sport

Abasimbura ba Kiyovu Sport

Cassa Mbungo n'abungiriza be

Cassa Mbungo n'abungiriza be 

Ruremesha Emmanuel n'abamufasha muri Etincelles FC

Ruremesha Emmanuel n'abamufasha muri Etincelles FC

Abasimbura ba Etincelles FC

Abasimbura ba Etincelles FC

Ruremesha yasabye imbabazi abafana

Ruremesha yasabye imbabazi abafana  ba Etincelles FC nyuma yo gutsindwa 

Rachid Kalisa intwaro ya Kiyovu Sport muri uyu mwaka w'imikino

Rachid Kalisa intwaro ya Kiyovu Sport muri uyu mwaka w'imikino

Uwihoreye Jean Paul ahanganye na Jean Bosco Akayezu bahoranye muri Police FC

Uwihoreye Jean Paul ahanganye na Jean Bosco Akayezu bahoranye muri Police FC

Etincelles FC

Mugheni Kakule Fabrice niwe wafunguye amazamu

Mugheni Kakule Fabrice ni we wafunguye amazamu

Mbonyingabo Regis (mu kirere)  yari yagarutse

Mbonyingabo Regis (mu kirere)  yari yagarutse 

Mbogo Ali yugarira

Mbogo Ali yugarira 

Nizeyimana Djuma  wa Kiyovu Sport hagati mu bakinnyi ba Etincelles FC

Nizeyimana Djuma  wa Kiyovu Sport hagati mu bakinnyi ba Etincelles FC

Nizeyimana Jean Claude watsinze igitego cya kabiri

Nizeyimana Jean Claude watsinze igitego cya kabiri

Moustapha Francis yishimira igitego

Moustapha Francis yishimira igitego

Moustapha Francis mu kirere ashaka umupira

Moustapha Francis mu kirere ashaka umupira 

Tuyisenge Hackim na Rachid Kailisa bumvana

Tuyisenge Hackim na Rachid Kalisa bumvana 

Abakinnyi ba Kiyovu Sport bishimira igitego

Abakinnyi ba Kiyovu Sport bishimira igitego

Gikamba Ismael  kapiteni wa Etincelles FC

Gikamba Ismael  kapiteni wa Etincelles FC

Mu myanya y'icyubahiro ku kibuga cya Mumena

Mu myanya y'icyubahiro ku kibuga cya Mumena

Mugenzi Cedric Ramires mu kirere ku mupira

Mugenzi Cedric Ramires mu kirere ku mupira

Abafana ba Kiyovu Sport

Abafana ba Kiyovu Sport

Gikamba Ismael  imbere ya Rachid Kalisa

Gikamba Ismael  imbere ya Rachid Kalisa

Kalisa Rachid hagati mu kibuga arwana kuri Kiyovu Sport

Kalisa Rachid hagati mu kibuga arwana kuri Kiyovu Sport

Cassa Mbungo Andre  atanga amabwiriza

Cassa Mbungo Andre  atanga amabwiriza 

Abafana ba Kiyovu Sport bahawe umunsi mukuru

Abafana ba Kiyovu Sport bahawe umunsi mukuru

Ruremesha Emmanuel atanga amabwiriza

Ruremesha Emmanuel atanga amabwiriza

Uko amakipe akurikirana nyuma y'imikino y'umunsi wa 10 yabaye

Urutonde rw'agateganyo rwa shampiyona

Dore uko umunsi wa 10 uhagaze:

Kuwa Gatanu tariki 22 Ukuboza 2017

-Police Fc 1-2 Sunrise Fc 

Kuwa Gatandatu tariki 23 Ukuboza 2017

-Miroplast Fc 1-1 Rayon Sports

-Bugesera Fc 0-0 AS Kigali  

-Kirehe Fc 0-0 Marines Fc  

-SC Kiyovu 3-0 Etincelles Fc

-Espoir Fc 0-0 Mukura VS  

Kuwa Gatatu tariki 27 Ukuboza 2017

-APR Fc vs Musanze Fc (Stade de Kigali, 15h30’)

-Gicumbi Fc vs Amagaju Fc (Stade Gicumbi, 15h30’)

AMAFOTO: Saddam MIHIGO (Inyarwanda.com)






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • MARC6 years ago
    KIYOVU SPORT IRI MURI FORM MURI INO MINSI NSINZI IKIPE IZAYIHAGARIKA NYUMA YO GUTSINDA APR FC IFITE IMBARAGA AMAHIRWE MANSA KURI COACH AND PLAYERS





Inyarwanda BACKGROUND