Kigali

CAF CL 2018: Rayon Sports mu nzira irimo Mamelodi Sundowns

Yanditswe na: Mihigo Saddam
Taliki:13/12/2017 18:17
0 0 0 0 0 Loading... 0

Ikipe ya Rayon Sports yatomboye Lydia ikipe iri mu cyiciro cya mbere mu gihugu cy’u Burundi mu mikino Nyafurika y’amakipe (Clubs) yabaye aya mbere iwayo atwaye ibikombe bya shampiyona.



IKipe ya Rayon Sports igomba kuzisobanura na Lydia mu mikino ibiri (2) urimo umwe uzakinwa hagati ya tariki 9-11 Gashyantare 2018 i Kigali n’undi uzakinirwa i Bujumbura hagati ya tariki 20-21 Gashyantare 2018.

Ikipe izarokoka muri aya abiri, izaba ibonye itike iyiganisha mu yindi mikino ibiri izayihuza na Mamelodi Sundowns yo muri Afurika y’Epfo, ikipe ifite ifite iki gikombe yatwaye itsinze TP Mazembe (DR Congo).

Ikipe nka Gormahia CF yo muri Kenya yatomboye Leonnes Vegetarianos (Guinea Equatoriale), Young Africans (Tanzania) izaba yisbanura na St.Louis (Seychelles). AS Zanaco yo muri Zambia izahura na Gambia AF  yo muri Gambia.

Muri iki cyiciro, amakipe nka Mamelodi Sundowns (South Africa), ES.Setif (Tunisia), TP Mazembe (DR Congo), W.Cassablanca (Moroco) na Al’Ahly (Egypt) niyo makipe atazakina imikino y’amajonjora bitewe n’urwego ariho n’aho bagiye bagera muri iyi mikino.

Mu mikino ya CAF Confederations Cup ihuza amakipe yatwaye ibikombe by’ibihugu cyangwa izabaye iza kabiri muri shampiyona zabo ndetse no ku bihugu byemerewe gusohora amakipe arenze abiri, ikipe ya APR FC ifite igikombe cy’Amahoro, izisobanura na Anse Reunion (Seychelles) mu mikino ibiri irimo uwubanza n’uwo kwishyura.

Mu gihe APR FC yakomeza isezereye Anse Reunion yazakina n’ikipe izaba yavuye hagati ya Mali 2 na Elwa United yo muri Liberia.

Amakipe nka AFC Leopards yo muri Kenya yatomboye Fosa Juniors (Madagascar), Olympic Star (Burundi) itomborana na Etoile Filante (Burkina Faso). Simba SC ikinamo Haruna Niyonzima izisobanura na Gendarmerie Tnale yo muri Djibouti.

Muri iki cyiciro, USM Alger (Algeria), Zamalek (Egypt), Raja Cassablanca (Moroco), Enyimba (Nigeria), DC Motema Pembe (Dr Congo), SuperSport United (South Africa), Ahly Shandy (Sudan), Hilal Obied (Sudan), Club Africain (Tunisia) na Nkana (Zambia) ntabwo bazakina imikino y’amajonjora.

Umuntu yavuga ko APR FC ariyo ifite inzira idakomeye cyane nka Rayon Sports

Umuntu yavuga ko APR FC ariyo ifite inzira idakomeye cyane nka Rayon Sports

Dore uko amakipe yo mu Rwanda azagenda akina:

Kuwa 9-11 Gashyantare 2018

-Rayon Sports (Rwanda) vs Lydia (Burundi)

Kuwa 20-21 Gashyantare 2018

-Lydia (Burundi) vs Rayon Sports (Rwanda)

Kuwa 9-11 Gashyantare 2018

-APR FC  (Rwanda) vs Anse Reunion (Seychelles)

Kuwa 20-21 Gashyantare 2018

Anse Reunion (Seychelles) vs APR FC (Rwanda)

 

 

 





Umwanditsi

Mihigo Saddam

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS