RFL
Kigali

BOX OFFICE: Justice League niyo filime yacurujwe cyane kurusha izindi muri iyi weekend

Yanditswe na: UDAHOGORA Vanessa Peace
Taliki:20/11/2017 15:52
0

Ni filime y’imirwano ishingiye ku nkuru mbarirano (Action/Adventure) icuruzwa na Warner Bros, yasohotse kuwa 5 tariki 17/11/2017. Iyi filime muri Amerika gusa yinjije $96,000,000 naho ku isi hose imaze kwinjiza $281,500,000, amafaranga byatwaye ngo ikorwe ntazwi.



2. Wonder


Niyo ikurikira mu zacurujwe cyane muri iyi weekend, yinjije $27,050,000 mu gihe nayo yasohotse kuwa 5 tariki 17/11/2017. Aya amafaranga ni nayo yonyine imaze kwinjiza kuko kugeza ubu icuruzwa muri Amerika gusa. Iyi nayo amafaranga byatwaye ngo ikorwe ntazwi. Iyi filime icuruzwa na Lionsgate.

3. Thor: Ragnarok

Image result for Thor: Ragnarok

Iyi filime iri mu bwoko bw’imirwano ishingiye ku nkuru mbarirano (Action/adventure), icuruzwa na Buena Vista, muri iyi weekend yinjije $21,786,000, yasohotse ku itariki 03/11/2017. Iyi filime kuva yasohoka imaze kwinjiza $738,082,170, kuyikora byari byatwaye miliyoni 180 z’amadolari. Ubushize kandi yari ku mwanya wa mbere.

4. Daddy’s Home 2


Iyi filime yasohotse ku wa 5 tariki 10/11/2017, iri mu bwoko bw’urwenya ikaba icuruzwa na Paramount. Muri iyi weekend yinjije $14,800,000, kuva yasohoka kugeza ubu imaze kwinjiza $51,005,447, kuyikora byatwaye miliyoni 69 z’amadolari. Ubushize yari ku mwanya wa 2.

5. Murder on the Orient Express (2017)

Image result for Murder on the Orient Express (2017)

Muri iyi weekend iyi filime yinjije $13,800,000 muri Amerika. Yasohotse ku wa 5 tariki 10/11/2017, icuruzwa na Fox, kuyikora byatwaye miliyoni 55 z’amadolari, kugeza ubu ku isi hose imaze kwinjiza $148,262,459. Ubushize iyi filime yaje ku mwanya wa 3.

6. The Star


Ni filime nshya yasohotse kuwa 5 tariki 17/11/2017, muri iyi weekend yinjije $10,000,000. Icuruzwa na Sony/Columbia, kuyikora byatwaye miliyoni 20 z’amadolari.

7. A Bad Moms Christmas


Yinjije $6,890,000 muri iyi weekend, yasohotse ku itariki 01/11/2017, icuruzwa na STX Entertainment, kuyikora byatwaye miliyoni 28 z’amadolari, kugeza ubu imaze kwinjiza $77,512,155, ubushize niyo yari ku mwanya wa 4.

8. Lady Bird


Ni filime icuruzwa na A24, yasohotse ku itariki 03/11/2017, muri iyi weekend yinjije $2,529,915, kuva yasohoka icuruzwa muri Amerika gusa, amafaranga yose imaze kwinjiza ni $4,702,390, ayo byatwaye mu kuyitunganya ntiyize atangazwa, ubushize yari ku mwanya wa 10.

9. Three Billboards Outside Ebbing, Missouri


Iyi filime icuruzwa na Fox Searchlight, muri iyi weekend yinjije $1,115,000, ubushize yari ku mwanya wa 27 ikaba yarasohotse ku itariki 10/11/2017. Iyi filime nayo icuruzwa muri Amerika gusa, kugeza ubu imaze kwinjiza $1,549,225, ni mu gihe ayo byatwaye ngo ikorwe atigeze atangazwa.

10. Jigsaw


Ni filime iteye ubwoba yasohotse ku itariki 27/10/2017, kuyikora byatwaye miliyoni 10 z’amadolari, muri iyi weekend yinjije $1,070,000, kuva igihe yasohokeye kugeza ubu imaze kwinjiza $88,850,233, kuyikora byatwaye miliyoni 10 z’amadolari. Iyi filime icuruzwa na Lionsgate, ubushize yari ku mwanya wa 3 muri filime zacurujwe cyane.

 

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND