Ku mugoroba wo kuri uyu wa Mbere tariki 23 Ukwakira 2017 nibwo I Londre mu gihugu cy’Ubwongereza hagangwaga ibihembo ku ntyoza mu mupira w’amaguru ku isi, hagandewe ku bikorwa bakoze mu mwaka w’imikini ushize wa 2016-2017. Cristiano Ronaldo yahize Lionel Messi amutwara igikombe.
Mu bushakashatsi bwakoze na Daniel Mathiews umunyamakuru wa DailMail bugaragaza ko ya Cristiano Ronaldo kapiteni w’ikipe y’igihugu ya Portugal na Lionel Messi kapiteni w’ikipe y’igihugu ya Argentine nta n’umwe wigeze agira umutima wo gutora undi.
Mu busanzwe aya matora atanga intyoza mu mupira w’amaguru, akorwa n’abanyamakuru bakomeye ku isi, abakapiteni b’amakipe y’ibihugu ndetse n’abatoza bakuru b’amakipe y’ibihugu. Gusa Lionel Messi kapiteni w’ikipe y’igihugu ya Argentine ntiyatoye Cristiano Ronaldo kuko nawe biboneka ko atigeze amutora.
Urupapuro rugaragaza uko Messi na Ronaldo batoye
Mu gutora, Cristiano Ronaldo yagaragaje ko we, Luka Modric, Sergio Ramos na Marcelo aribo bakinnyi beza ku isi mu gihe Lione Messi yatoye ko we, Luis Suarez, Andreas Iniesta na Neymar Junior Santos aribo bakinnyi bakomeye ku isi.
Cristiano Ronaldo yatowe ku kigero cya 41.16%, Lionel Messi atorwa ku kigero cya 19.25% naho Neymar Junior Santos atorwa ku kigero cya 6.97%.
Ronaldo, abafana bamutoye ku mpuzandengo ya 8.91%, abakapiteni 11.11% mu gihe abatoza bamutoye ku mpuzandengo ya 10.72%. Abanyamakuru bamutora ku kigero cya 12.42%. Ibi bigaragaza ko abanyamakuru n’abakapiteni b’amakipe y’ibihugu aribo bakunze Cristiano Ronaldo ku kigero kiri hejuru.
Dore uko impuzandengo (%) zigaragara muri buri cyiciro cyatoye
Cristiano Ronaldo w’imyaka 32 yatwaye iki gihembo kuko yafashije Real Madrid gutwara igikombe cya shampiyona no gutwara irushanwa rya UEFA Champions League mu mwaka w’imikino 2016-2017.
Mu bindi bihembo byatanzwe, Lieke Mertens ukinira ikipe y’igihugu y’u Buholandi (Abagore) na FC Barcelona (Abagore) niwe wahembwe nk’umukinnyi w’umutegarugoli witwaye neza anho Zinedine Zidane ahembwa nk’umutoza w’umwaka bitewe n’ibyo yagejeje kuri Real Madrid cyo kimwe na Serina Wiegman utoza ikipe y’u Buholandi (Abagore).
Olivier Giroud Umufaransa ukinira Arsenal yahambwe nk’uwatsinze igitego cyiza (FIFA Puskas Award 2017) mu mwaka w’imikino 2016-2017 kuko igitego yatsinze Crystal Palace ku Buanani bwa 2017 cyabaye indashyikirwa. Celtic yahawe igihembo cy’abafana b’umwaka w’imikino 2016-2017.
Cristiano Ronaldo yahawe igihembo ku nshjuro ya kane (4) ahigitse Lionel Messi na Neymar Jr
Ronaldo yigaragaza i Londre mu mugoroba w'uyu wa Mbere
C.Ronaldo asomana n'umukunzi we Georgina Rodrigue
Ronaldo (Ibumoso) n'umutoza we Zinedine Zidane (iburyo) bahambwe bose
Umuryango wa Cristiano Ronaldo (Hagati): Uva ibumoso: ni nyina umubyara witwa Maria Dolores dos Santos Aveiro n'inshuti ye, Georgina Rodriguez inshuti ya Ronaldo, Cristiano Jr umuhungu wa Ronaldo na bashiki be Katia na Elma Aveiro (ubanza iburyo)
Cristiano Ronaldo, umuhungu we na Georgina Rodriguez umukobwa bameranye neza
C.Ronaldo asesekara mu cyumba cyaberagamo ibirori
Lionel Messi ahagera
Lionel Messi n'umufasha we
Cristiano Ronaldo (ibumoso) asuhuzanya na Lionel Messi (Iburyo)
Aba bacyeba bari bicaye mu murongo umwe
Neymar yatahanye umwanya wa gatatu
Rutahizamu w'u Bwongereza na Tottenham Hotspur ahagera n'umutambukanyi
Harry Kane aherutse gutsinda ibitego 2 mu mukino Spurs yatrsinzemo Liverpool
Olivier Giroud watwaye "Puskas Award" asinyira abana
Umuryango wa Marcelo myugariro wa Rela Madrid
Granit Xhaka ukina hagati muri Arsenal yari yaserutse n'umufasha we Leonita Lekaj
PHOTOS: DailMailOnline
TANGA IGITECYEREZO