RFL
Kigali

ZoneV: Patriots BBC yatsinzwe na City Oilers ku mukino wa nyuma, APR WBBC icyura umwanya wa 5-AMAFOTO

Yanditswe na: Mihigo Saddam
Taliki:8/10/2017 12:26
0

Imikino y’akarere ka Gatanu ku makipe (Clubs) yaberaga i Lugogo muri Uganda yasojwe ikipe ya City Oilers itsinze Patriots BBC amanota 86-59 ku mukino wa nyuma.



Agace ka mbere karangiye City Oilers iri imbere n’amanota 22 kuri 20 ya Patriots BBC. Amakipe yagiye kuruhuka City Oilers ikiri imbere kuko yari imaze kugwiza amanota 48 kuri 38 ya Patriots BBC. Patriots yagiye kuruhuka irushwa amanota icumi (10).

Bavuye kuruhuka, agace ka gatatu City Oilers yahise ikabonamo amanota 21 mu gihe Patriots BBC yabashije kubona amanota 18 bityo City Oiles ikarangiza imaze kugwiza amanota 69 kuri 51 ya Patriots  BBC.

Agace ka nyuma kasanze Patriots BBC n’ubundi nta buryo ifite bwo kugaruka mu mukino kuko City Oilers yagasaruyemo amanota 17 naho Patriots BBC ibonamo amanota umunani (8).Umukino urangira ari amanota 86 ya City Oilers BBC kuri 59 ya Patriots BBC.

Mugabe Arstide kapiteni wa Patriots BBC yatsinze amanota 17 mu minota 26’49” yakinnye mu gihe uwatsinze amanota menhhi mu mukino ari Opong Robinson wa City Oilers wakinnye iminota 21’18” agatsinda amanota 21.

City Oilers BBC yasigaranye igikombe kiyiha uburenganzira bwo kuzitabira imikino Nyafurika ya 2018 mu gihe Patriots BBC yatahukanye umwanya wa kabiri. Mugabe Arstide na Kami Kabange Milambwe bisanze mu ikipe y’irushanwa kumwe na Jordan Mayes (City Oilers), Stanley Ocitti (City Oilers), Mike Mikiadi (Betway Power).

Mu cyiciro cy’abagore, ikipe ya APR WBBC yatahukanye umwanya wa Gatanu (5) mu makipe arindwi (7) yitabiriye. KPA iyo yatwaye igikombe cy’irushanwa.

KPA yatwaye igikombe mu cyiciro cy'abagore

KPA yatwaye igikombe mu cyiciro cy'abagore

Dore uko bakurikiranye:

1.KPA

2.Equity

3.UCU Lady Canons

4.KCCA Leopards

5.APR WBBC

6.Don Bosco

7.Horseed

UCU Canons Ladies ikipe itaratsindwa umukino n'umwe muri iri rushanwa

UCU Canons Ladies ya Uganda yatahanye umwanya wa 3

Equity Bank

Equity Bank yabaye iya kabiri

Ikipe y'irushanwa

Ikipe y'irushanwa irimo Mugabe Arstide (uwa kabiri uva ibumoso) ba Kami Kabange (uwa 3 uva iburyo)

PHOTOS: FIBA






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND