RFL
Kigali

BOX OFFICE: ‘IT’ ikomeje kuyobora urutonde rwa filime ziri kugurishwa cyane

Yanditswe na: UDAHOGORA Vanessa Peace
Taliki:19/09/2017 8:01
0

‘It’ ni yo filime yari iri ku mwanya wa mbere no muri weekend yashize,kuri ubu iracyakomeje kugumana uyu mwanya, yinjije $60,000,000. Icuruzwa na Warner Bros. (New Line), yasohotse ku itariki 08/09/2017, kugeza ubu imaze kwinjiza $371,310,619, kuyikora byatwaye miliyoni 35 z’amadolari.



2. American Assassin


Icuruzwa na Lionsgate, yasohotse ku itariki 15/09/2017, muri iyi weekend yinjije $14,800,000 muri Amerika gusa, ku isi hose iyi filime imaze kwinjiza $21,000,000. Kuyitunganya byatwaye miliyoni 33 z’amadolari.

3. Mother!


Muri iyi weekend iyi filime yinjije $7,500,000 muri Amerika gusa, icuruzwa na Paramount, yasohotse kuri uyu wa 5 tariki 15/09/2017. Ku isi hose iyi filime yinjije $13,500,000. Kuyikora byatwaye miliyoni 30 z’amadolari.

4. Home Again


Iyi filime icuruzwa na Open Road Films, yasohotse ku itariki 08/09/2017, muri iyi weekend yinjije $5,334,160, ku isi hose kuva yasohoka iyi filime imaze kwinjiza $17,135,244, kuyikora byari byatwaye miliyoni 12 z’amadolari. Ubushize iyi filime yari ku mwanya wa 2.

5. The Hitman’s Bodyguard


Ni filime yasohotse ku itariki 18/08/2017, muri iyi weekend yinjije $3,550,000, kugeza ubu icuruzwa muri Amerika gusa, ikaba imaze kwinjiza $70,357,040, kuyikora byari byatwaye miliyoni 30 z’amadolari. Ubushize yari ku mwanya wa 3. Iyi filime icuruzwa na Lionsgate/Summit.

6. Annabelle: Creation


Iyi filime ubushize yari ku mwanya wa 4, muri iyi weekend yabashije kwinjiza $2,600,000, icuruzwa na Warner Bros (New Line), yasohotse ku itariki 11/08/2017. Kuva yasohoka kugeza ubu. Iyi filime imaze kwinjiza $291,100,361, kuyikora byatwaye miliyoni 15 z’amadolari.

7. Wind River


Muri iyi weekend iyi filime yinjije $2,553,586, icuruzwa na Weinstein Company, yasohotse ku itariki 04/08/2017. Kuva yasohoka imaze kwinjiza $29,122,401, icuruzwa muri Amerika gusa, kuyitunganya byatwaye miliyoni 11 z’amadolari. Ubushize yari ku mwanya wa 5.

8. Leap!


Nayo icuruzwa na Weinstein Company, muri iyi weekend yinjije $2,117,930. Yasohotse kui tariki 25/08/2017, kugeza ubu imaze kwinjiza $102,569,685, ayo byatwaye mu kuyikora ntiyigeze atangazwa. Iyi filime muri weekend yashize niyo yari ku mwanya wa 6.

9. Spider-Man: Homecoming


Muri iyi weekend yinjije $1,875,000, yasohotse ku itariki 07/07/2017, kugeza ubu kuva yasohoka imaze kwinjiza $861,262,248, kuyikora byatwaye miliyoni 150 z’amadolari. Iyi filime icuruzwa na Sony/Colombia. Ubushize yari ku mwanya wa 7 muri filime zacurujwe cyane.

10. Dunkirk


Iyi filime yinjije $1,305,000 muri iyi weekend, yasohotse ku itariki 21/07/2017, ikaba icuruzwa na Warner Bros. Kuva yasohoka imaze kwinjiza $508,341,652, kuyikora byatwaye miliyoni 100 z’amadolari. Ubushize Dunkirk yari ku mwanya wa 8 muri filime zacurujwe cyane.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND